Abu Yesu kopedoo alimonokin aberu Nasamariat naarai abu ngesi kogea einer keda nges akiro ace. Epone bo ani ipedoria ijo aitojokaar alimonokinikon naigeara ijo einer kede itunga luidumuni ijo kotoma alimonokin?

• Korai yenipaperono. Karaida epasit nges, abu Yesu kogea ber aingitun akipi. Kiyoga ber itunganan kosodi aticepak einer nuikamunitos ekuse loikwamin, arai idisibore kere yenetakanunit. Kiitu ebe alosikinetekon nges agear einer keda itunganan, aso iner keda itunganan akiro nuisiyalamikinitos nges. Arai kegir itunganan da, mam erono. Inerakinos bobo keda ice. Kilip Yawe koinak jo atiting.​—Nek 2:4; Asw 4:29.

• Okapakina alimonokin akiro nukajokak kapakio kere ido sirisuburikinit einer. Kinerata kapatan. Arai kibuik jo itunganan einer, emina ngesi aituguikin arai aigir einer kajo. Sirikikadak arai kegir itunganan aiyatakin einer kajo eroko jo itodikina nges abeit kObaibuli. Arai ikuriana jo alimonokin epone ngon, kogeu ber aitetemonor einer keda itunga komam ilosikinit alimonokin. [Koboliak kosodete aimor ebidio lo 1.]

• Kodum epone loipedoria alimonokin kopone loka alimun akirot naeminakinit jo naikamunit aiyuununetakon, einakini ngin itunganan aipudakin ajenun nuipu. Abu Yesu kolimunite akiro nuapotu koinakisi aberu aingit angiseta. Abu nges kogeu alimonokin kopone loabongokinio ngesi aingiseta. [Koboliak kosodete aimor ebidio lo 2, ido ekaulo, koboliak kosodete aimor ebidio lo 3.]