AITOJOKAAR ALIMONOKINIKON | IYATAK AIYALAMAKON KOTOMA ALIMONOKIN
Kocam Aingarakinio Naka Iinacanawok
Kanu aingarakin oni, ijaikinit Yawe oni “iinacan” anatar akwap kere. (1Pet 5:9) Epedorete kesi aingarakin oni aipikor ainingosia kotoma alimonokin. Kwape aanyunet, abu ekiyakia Paul kimedau kotoma aingarakinio naka Akuila ka Pirisikila, Sila, Timoteo, ka ice da.—Asw 18:1-5.
Epone bo ani epedoriata iinacan aingarakin ijo kotoma alimonokin? Epedorete kesi alimokin jo nuiswama arai elimokin jo akiro nuitukurorete kotoma alimonokin, naibongonoria, keda naitegearia ka naisisiakinia itunganan Ebaibuli. Koomoom nuikamunitos itunganan yenikotoma atukotokon yenepedori aingarakin, kosodi ailip nges aingarakin jo. Komam abuonokin, ipote yes kere aimedaun ido idumunete aiyalama.—Pil 1:25.
KOSESENATA EBIDIO KODUM AIYALAMA KOTOMA AITULUOR ITUNGA IKESISIAK—KOCAM AINGARAKINIO NAKA YAWE—IINACANAWOK, KOSODETE ABONGONOKIN AINGISETA NUTA:
-
Epone ani abu Neeta kotam aisinyikokin Jade abunere airiamununeta?
-
Kanuinyo ibusakinitor oni aupanar keda iinacan ice aisisia keda esisianiwok?
-
Eyangaikini atukot kere aituluor itunganan ikesisian
Inyoin bo ibore yenaminakinit Jade keda Abigay?
-
Ani bo apirianut nakotoma alimonokin naipedori ijo aisisiaun kaneejaas iinacan?
