Kolap Loitomonetaadiop, ibuni aitolot alimonokin naitegelikina naimoria oni keda itunga akiro nukajokak ebe aapu akwap nakitetet. (Sab 37:10, 11; Apu 21:3-5) Iswamau aijulanakineta nuingarakinete jo aimor kaileleba kotoma alimonokin angin. Arai ilelebi jo afoomu kanu alimonokin kwape okisilare paiyonia kolap angon, ipedori jo aseun alimonokin adaun isawan 30 arai bo 50.

Okapakin aimor keda itunga ediokokoro loinera nuikamunitos akwap nakitetet. Naiseunia ekokoro loikoto ijo aitosom, kopodokinite nueminas itunga katutubetekon. Arai itodu itunganan ebe eminakinit ngesi aisisia kotoma aloset nasodit, ijaik ngesi Watchtower No. 2 2021. Ido kobongo katipet kanu aitam aitegear aisisia keda nges Ebaibuli kitosomai aburocua Olelak Aijar Ikar Kere! Erai aiyalama naepol noi oni aimor keda itunga “akiro nukajokak” nuka ibore yenejok noi!​—Isa 52:7.

KOSESENATA EBIDIO LOKA EKOSIOWOK AKWAP NAKITETET, KOSODETE ABONGONOKIN AINGISETA NUTA:

• Anu bo nuajokak nueponitos koingaren nueuta ipese aomoom?

• Inyoin bo cut imuno jo noi kotoma akwap nakitetet?

• Epone bo ani ingarakinia jo aomoom nuikamunitos amunokon nakoingaren aitemonokin kanu aimor kotoma alimonokin naejaun olap Loitomonetaadiop?​—Luk 6:45