Kotoma ageunet naka elagowok, ibwainikinio ibidion ka asisiaeta nuepedorete aminakin itunga lumam eraas Ajenak Luka Yawe. (Asw 13:48) Ikeunitos duc iboro ngun akiro nuejaas toma oyemuto arai akiro nueomoomoete ka nuineras itunga.

Epone ani ipedoria jo aitosom ageunet naka elagowok kotoma alimonokinikon?

• Koanyanari elago duc. Koanyu iboro luitetiak luebwaikin toma olago ido koany epone loaticepak ipedoria jo aitosom ngun kanu aingarakinia itunganan yenekot aisisiaun abeit. (Kanu adumun iboro ice lupac ebwaikin toma ageunet naka elagowok, icikak nebala ebe “See More.”) Aijen iboro luitetiak luejaas olago, ingarakini jo ajaut keda akiro nuitetiak nuitosomai jo kotoma alimonokin.

• Itosom aisisiaeta ka ibidion luibwaikitai ageunet naka elagowok kanu aitegeara einer. Epedorete iboro ngun aijaikin oni akiro nuaticepak eomoomoete itunga kotoma aibosit nailimonokini oni.

• Itodik itunga ageunet naka elagowok. Ikeu akiro adis ido itodik itunganan epone loepedoria ngesi adumun akiro ngun kotoma olagowok.

• Ijuka elink. Epalisoko itunga ice atereikin einer keda oni konye ekapakina kesi aipejokin elagowok. Aso, siripalu aijukakin itunganan elink loka ageunet naka elagowok arai elink loka aisisiaet arai ebidio loibwaikitai olagowok, bon ebe ekot ngesi aisisiaun nuipu.