Abu Yesu kopal akeijar kanu ikadiakanarak. (Rom 5:8) Komam abuonokin, isiyalamikinit oni Yesu kanuka amin oni, abu kocam atwanare kanuwok. Konye ejaa ngun da, ekoto oni aiitunit ebe abu Kristo kotwanik iinacawok da. Epone bo ani ipedoria oni aitodikin iinacanawok luediakanarete kwape kaoni amin naka Kristo? Koany iponesio iuni. Nasodit, ekoto oni aitaraun luipu ipaperowok aimoriarit ngul da lumam eraasi luka adoketaitiwok. (Rom 15:7; 2Kor 6:12, 13) Naiyareit, ekoto oni acoit eineriwok arai bo akiro nuepedorete aitakadikin luce. (Rom 14:13-15) Ingetakini, ibusakinit oni aitim luce katipet arai kibucasi kesi kamawok. (Luk 17:3, 4; 23:34) Arai kinyikok oni aputoor Yesu koponesio kangul, isirerengi Yawe atukotowok kede ainapakin ka aimorikikina.

KOSESENATA EBIDIO KINYIKOK AJOKUNAR! KOSODETE ABONGONOKIN AINGISETA NUTA:

• Epone bo ani apupio Miki kageunet kanuikamunitos atukotokec?

• Inyoin bo abu kijulak aomisioke?

• Epone bo ani abu aanyunet naka Yesu kingarakina Miki aijulakin aomisioke? (Mk 14:38)

• Epone bo ani ingaraikiniata Awaragasia 19:11 oni ayait iinacan ejok?