Epedorete ejaanakinak luka Edeke aswam iboro kanuka Yawe luebunio aiitun ikar kere. Kwape papa loemin loisiyalamikinit nuetodolikisi idweke, mam Yawe imurwokini aswamisiowok ka amin naitodu oni kanuka ekirorike. (Mat 6:20; Bur 6:10) Erai abeit ebe egitigita ejautene ka nuipedori oni aswam konye arai iswama oni nuipedori kotoma aijaanakin Yawe, idumuni oni aiyalama. (Gal 6:4; Kol 3:23) Kotoma okar luipu luatuboros, apedosi ilukumin luka iinacan ka ainacan alomar aijaanakin koBetel. Ipedori kereka jo da alemun aijaanakin koBetel? Arai mam ijo ipedori, isinyikok ice aswam ngun arai bo nat ingarak yenijaanakini koBetel ainyikokin kotoma aijaanakin kangin?

KOBOLIAK EBIDIO AIJAIKIN AKONIIJAR KANU AIJAANAKIN KOBETEL, KOSODETE ABONGONOKIN AINGISETA NU:

• Inyoin bo ekoto korai alosikinet naka aijaanakin koBetel?

• Anyoika bo nualimutu ice kanuikamunitos arerengusio nuka aijaanakin koBetel?

• Inyo ibusakinit ijo aitodolikin kanu aijaanakin koBetel?

• Epone bo ani ipedoria jo alomar aijaanakin koBetel?