Kanukinyo ibusakinitor oni aupa keda ngul lueminasi Yawe? Naarai epedorete itunga luiupatar oni amunar oni. (Awa 13:20) Kwape aanyunet abu Ekabaka Yoas kiswama “nuejokuka kakonyen nuka EJAKAIT” kapakio nuaupatar nges keda Esasedoti Lopeti, Yekoiada. (2Siit 24:2) Konye akaulo naatwania Yekoiada, abu Yoas kojalak Yawe naarai abu ngesi koupakinos keda itunga luarokok.​—2Siit 24:17-19.

Kotoma apakio nuka ikiyakia, abu ekiyakia Paul kituput atukot naka Ikristayon keda ‘etogo lokapolon’ ido itunga lukatukot keda “iboro” luejaasi togo. Isalakini oni irai “iboro lukaibuses” arai kisac oni idiotunganan kotoma okale arai bo nat atukot yeniswamai iboro lumam isiyalamikinitos Yawe. (2Tim 2:20, 21) Kanuka ngun, enyikokisi aupa kangul lueminasi Yawe ka ngul luisinyikokinete oni aijaanakin nges.

KOSESENATA EBIDIO ISISIAU AISAC AUPA NARONON, KOSODETE ABONGONOKIN AINGISETA NU:

• Epone bo ani ipedoria jo aupa keda itunga luarokok karaida mam ijo ijeni?

• Kobidio kalo, inyoin bo abu ingarak iinacan lu iuni aisac aupa naronon?

• Ani bo aicoreta nuka Ebaibuli nuingarakinete ijo aseun ipapero luajokak?