Erai eipud loka auriak aanyun ikecedwe eraunos ejaanakinak luka Yawe luemunooko. Konye epedorete auriak aingarakin kes kopone loaisisianakin kes ameun editeu. (Ikis 6:7; Awa 22:6) Ekoto kereka ngin apak naepol? Eebo, konye ipu arerengusio nuelomunete kotoma aswam ngun.​—3Yok 4.

Epedorete auriak aisisiaun kaneejaai aanyunet naka Yosep keda Mariam. Alosenenete kesi “ngolikaru Yerusalem apak naka epucit loka aleleng,” karaida erai alosit ngin naka amairon nuipu ido koyangaikini agogong naepol kede ikapun. (Luk 2:41) Araasi Yosep keda Mariam luapodokinitos noi eidacanakec keda Yawe. Ekoto auriak luka lolo da aitodikin idwekec erot loajokan kopone loaitodikin kes aanyunet najokan ka aisisianakin kes.​—Sab 127:3-5.

KOSESENATA EBIDIO APOTU KESI KITOSOMATA AKECEPAK, KOSODETE ABONGONOKIN AINGISETA NU:

• Epone bo ani apotu Jon keda Sharon Schiller kinyikokiniata aijaanakin Yawe kotoma okalekec?

• Kanukinyo ibusakinitor auriak aisisianakin arai alecor ikecedwe koponesio luegelegela?

• Epone bo ani epedoriata auriak aingarakin ikecedwe atereikin keda atiokisio nuepote koingaren?

• Ani bo iboro luka atukot luitosomai ijo kanu aingarakin ikonidwe apoloor kotoma omoyo?