Abu Yesu kijaik oni aanyunet naibusakinit oni aitup neijaar oni toma areio. (1Pet 2:21-23) Naamoromoroere nges, mam ngesi abu kinyanga aimor karaida kotoma aiticanitoi. (Mk 15:29-32) Inyoin bo abu ingarak nges atitingior? Abu ngesi kitutub aswam akote naka Yawe. (Yok 6:38) Ido aseseni ngesi “aiyalama naebwaikinitai akonyeneke.”​—Bur 12:2.

Epone bo ani ibusakinitor oni ajaut arai eyaitai oni erono kanuka aijaanakin Yawe? Mam Ikristayon luka abeit ‘etacakinete aronis kanuka aronis.’ (Rom 12:14, 17) Arai kitup oni aanyunet naka Kristo, idumuni oni aiyalama naarai iswamai oni nuisiyalamikinitos Edeke.​—Mat 5:10-12; 1Pet 4:12-14.

KOSESENATA EBIDIO AITOPOLOOR EKIROR LOKA YAWE NGES IBORE YENEPOL, KOSODETE ABONGONOKIN AINGISETA NU:

• Epone bo ani etosoma Inac Pötzinger * akepak ejok naayenitere ngesi?

• Ani bo atiokisio nuapotu Onac keda Inac Pötzinger kotitingikisi kokaabi?

• Inyoin bo abu ingarak kesi atitingikin?