Apotu Paul ka Sila koyooto aituurit Yawe kotoma ojeera. (Asw 16:25) Komam abuonokin, abu ayoerekec kisinyikok kes atitingikin. Do bo do oni da lolo? Ikososineiwok luka aima keda ikososineiwok ice, ingarakinete oni asalakin imunokina neejai Yawe karaida ejaasi atiokisio. Mere ngun bon, ingarakinete bobo oni aiturit Yawe. (Sab 28:7) Isinyikokinitai oni aitetemonor ikososinei ngun kitoni ajenun akiro nuiwadikatai tomakec ka ayoere ejok. Itamit kereka jo aswam ngun? Ipedori ijo aitetemonor ayoere keda amisiikin akiro nuejaasi toma okososinei kotoma aima kwape ekale.

KOSESENATA EBIDIO EYOETE IDWE AITURIT YAWE, KOSODETE ABONGONOKIN AINGISETA NU:

• Ani bo ajokis idumuni oni arai iyoenenei oni ikososinei luka aima?

• Epone bo ani itemonokinor Edipatiment Loeyait Aitolom Ibidion ka Aikam Iporotoi kanu aitolomun ikososinei?

• Epone bo ani itemonokinotor idwe ka lukokalekec kanu aikamio naka iporotoi?

• Ani bo ikososinei eminakinitos ijo, ido kanukinyo?