Irai kereka jo yenikaru kiding 23 itoni 65 ijaanakini apak naepol? Ijaatar jo kangaleu naejok, ido ipedori kereka jo aijaanakin kotoma aiboisit naepolor eipud? Arai ibongok jo aingiseta ngun kere ebe eebo, iwoomoomotor jo alosit Osomero Loka Ikalimonokinak Luka Ajakanut? Ameun naetegearere atukot nasodit, ilukumin lukainacan luedukokina, iinacan ka aanacan numam edukokina nges alototo osomero lo. Ejaa ngun da, ipudai noi iinacan lukiliok lumam edukokina alosit osomero lo. Kingit Yawe ingarak jo aiyatakin eipud lo jo akote aisiyalamikinit nges ka aputoor Okokuke. (Sab 40:8; Mat 20:28; Bur 10:7) Kosodi aomoom iponesio luipedoria jo aitidisiar aswam naka aiman arai iboro ice luiyait jo tetere ipedori alosit osomero ngon.

Anu bo arerengusio nuka aijaanakin nuejaatar ngul luelomunete kosomero kangon? Ejukar ice kakesi aijaanakin aiboisio nuinerare angajepisinei ace arai bo nat aimor kotoma alimonokin naitegelikina naitosomaere akaat. Ice kakesi akaulo alosit osomero ngon, ijaanakinete kwape ikaanyanarak, luingarakinitos ikaanyanarak, arai kwape imisionaris. Naiwoomoomaa jo nuikamunitos iponesio luka aijaanakin Yawe, imunor jo ajaut kaepone kwape loka enabi Isaia loabala ebe: “Eong lo! Kijukarai!”​—Isa 6:8.

KOSESENATA EBIDIO IMISIONARIS​—ESWAMAK KOTOMA AIDWENY, KOSOEDETE ABONGONOKIN AINGISETA NUTA:

• Epone bo ani eseununere imisionaris?

• Ani bo aswam naajokan naiswamaete imisionaries?

• Anu bo arerengusio nuka aijaanakin kwape emisionari?