Alemar itungaanan kotoma atukot, elecori nges ido eyuwari atukot. (1Kor 5:6, 11) Itoduni oni amin arai igang oni Yawe naelecoria ngesi itunganan. Epone bo ani eraatar ngun nukamin, konye koyauni apipil naepol neejaas ipajan keda ekomiiti loka akiro nuka etube?

Kakere, itoduni oni ebe imina aitalaun ekiror loka Yawe ka alauniteke. (1Pet 1:14-16) Ido itoduni bobo ebe imina oni itunganan yenalemar atukot. Karaida epipil alecorio, epedori ekaulo aira “araito nuinapakina nuka adolit.” (Bur 12:5, 6, 11) Ibuni oni aitotolikin alecorio naka Yawe arai inera oni keda itunganan yenelemaritai kotoma atukot arai ngin yenaseu aijal atukot. Iitunite ebe, elecori Yawe itungake “kwape ibusakinitor.” (Yer 30:11, NW) Ikoto oni ainyikokinit aigang Yawe naelecoria ngesi itunganan ka aidar eidicanewok ka Yawe kogogong, ido enyikokinitos amuno ebe ebonguni itunganan yenelemaritai atukot neejai papawok lokaitim.​—Isa 1:16-18; 55:7.

KOSESENATA EBIDIO KOMUNOKIN YAWE KETAU KERE, KOSEDETE ABONGONOKIN AINGISETA NU:

• Ani bo apipilu naepupepete auriak lueraasi Ikristayon naejalakinia ikokukec Yawe?

• Epone bo ani epedoria atukot aigang ngul lukokale luesalitos emunokina Yawe?

• Anu bo akiro nuko Obaibuli nuitodunitos ebe ekoto oni amin Yawe adepar ekale?

• Epone bo ani ipedoria oni amin Yawe adepar ekale?