Apotu Paul ka Sila kituroto Edeke keda ikosiosinei kotoma aidaris. (Asw 16:25) Apotu iinacan koyooto ikososiniewok neajaatar kesi okaabi loka Sachsenhausen kapaarasia nuepugata luko Nazi ko Germany keda bobo neajaatar kesi Siberia. Itodunitos aanyuneta nu ebe ejaas ikososineiwok ka apedor naka aitogogong iinacan kotoma atiokisiokec.

Ebeit angajepisinei ace da adumun eitabo loka ikososinei loitetet loenyaritai ebe “Sing Out Joyfully” to Jehovah. Kidumu oni eitabo lo, ekoto oni aitetemoonor kanu aikamakin ikososinei lu akou kotoma Aima Kwape Ekale. (Pes 5:19) Ngesi konyet ingarakinia oni emoyo lokalaunan aiitun ikososinei ngun kotoma atiokisio. Ikososineiwok luka aima ingarakinete oni ajaut keda amuno. Epedorete bobo aitogogong oni kotoma atiokisio. Ido araida mam oni ijai toma ationis, epote akiro nuka ikososinei aijaikin oni ‘aiyoere kaiyalama’ naarai ejai ailel otauonowok. (1Siit 15:16; Sab 33:1-3) Ekoto oni ainyikokin ayoenen ikososineiwok luka aima!

KOSESENATA EBIDIO EKOSIO LOABU KITOGOGONG IENAN. KOSODETE ABONGOKIN AINGISETA NU:

• Kanukinyo ewadikauna onac Frost ekosio ngon?

• Epone bo ani abu ekosio ngon itogogongio iinacan kokaabi loka Sachsenhausen?

• Kotoma ojautene bo ani itogogongioto ijo ikososinei luka aima?

• Ani bo ikososineiwok luka aima luikoto ijo aikamakin akou?