Aijaun bo lubo angai? Idiotunganan kere yenipejonon ka ipaperowok lukolo atapit abunenen airiamununetawok. (Rom 15:7; Bur 13:2) Aticepak erai onac loebunit kanenice arai bo nat onac loajoniarit nges ebunit akaulo na apak naewoja noi. Koomoom ber jo karaida korai ijo ikoni nen. Mam kereka jo ibuni iyalamikin aijaunio ejok? (Mat 7:12) Kanu bo inyo ibusakinitor ijo apodokinit ayogan itunga ko Kingdom Hall eringa airiamununeta egeara arai akaulo naka airiamununeta? Eyauni na aiyalama naepol, aminanara ido ijaikini Yawe aibuses. (Mat 5:16) Abeit, mam ijo ipedori airimorit amalan nginitunganan kere konye iyalamikinos itunga arai kipodokinit oni kesi. *

Ekoto oni aisukuny ipejok mere apak naka Aiitun Atwanare Naka Yesu bon konye kotoma apakio kere. Kepotu ipejok kosodete aanyun ikristayon eminanara, epedorete kesi da aitur Edeke ido epedorete ice kakesi abunore aimorikin kaoni aima Edeke.—Yok 13:35.