AIJAR KWAPE IKRISTAYON
Alimonokin Keda Aisisianakin, Eraasi Nuingarakinete Oni Aituluor Itunga Ikesisiak
Abu Yesu kicorak ikatupitokoke alosist aituluor itunga ikesisiak. (Mat 28:19) Imoriarit ngin alimonokin keda aisisianakin. Ibusakinit ijo aingitakin ebe ‘Epone ani apedoria eong aitojokaar alimonokinika keda aisisianakinika?’
ALIMONOKIN
Ekoto oni alosit aimo itunga ‘luibusakinito’ itia oni aidar kes abunere mamawok. (Mat 10:11) Naijaar oni toma alimonokin, ikapakina keraka oni einer keda itunga kidumu oni arereng ‘airiamun’ keda kes? (Asw 17:17) Abu Ludia koraun akesisian kanu enyikokinia ekiyakia Paul alimonokin.—Asw 16:13-15.
“Koenenei ikonikinyom tupuruc, ebong da sirikitikok akonikan” (Lim 11:6)
KOSESENATA EBIDIO ‘MAM AINYEKIN’ ALIMONOKIN ITUNGA KERE KORERIA, KOSODETE ABONGONOKIN AINGISETA NUTA:
-
Epone bo ani abu Samuel kitodunia ebe akapakina nges aiwe ikinyom lukabeit kanginipaaran kotoma aijarake?
-
Kanukinyo ibusakinitor oni ainyikokinit alimonokin koponesio kere?
-
Lu bo angai ipedori ijo alimonokin duc akiro nuka Ajakanut?
AISISIANAKIN
Kanu oni aituluor itunga araun ikesisiak, mam erai iitabon bon ibusakinit oni aikor. Kanu oni aingarakin itunga apol kotoma omoyo, ekoto oni abongonor aisisianen keda kes Ebaibuli. (1Kor 3:6-9) Do bo do arai mam itunga inyikokinete apol karaida kipikaki oni agogong aisisianakin kes abeit naka Ajakanut? (Mat 13:19-22) Ibusakinit oni ainyikokin aimo ngul lueputosi ikecetauon keda “alup nuejok.”—Mat 13:23; Asw 13:48.
“Abu eong kera, kicoco Apolo, konye kitopolo Edeke” (1Kor 3:6)
KOSESENATA EBIDIO ‘MAM AINYEKIN’ ALIMONOKIN AIBOISIO KERE, AITULUOR ITUNGA IKESISIAK KOSODETE ABONGONOKIN AINGISETA NUTA:
-
Epone bo ani apotu Solomon ka Mary kicocoata ikinyom luka abeit kotauonokec Esekiel ka Abigail?
-
Anyoin bo alosikinetewok naka alimonokin kotoma oponesio kere aimoriarit aiboisio kere?
-
Epone bo ani ipedoria oni akokakinit aisisianakin luce abeit?
