KANUKINYO EJOKUNAR: Yawe ekesisianakinaniwok lokapolon kakere, isisianakini oni kopone kaloejok. Isisianakini ngesi oni iponesio luipedoria oni aitojokaar aijarawok ka ainakin oni akapakin kanuka oingaren naejok, iswamai nges ngun kere komam ititaci oni idisibore! (Isa 11:6-9; 30:20, 21; Apu 22:17) Kotoma aisisianakinike, esilosiki Yawe oni alimonokin luce akiro nuitajarete.​—2Kor 3:5.

EPONE LOISWAMAET:

• Kitodu aitasono kede aiyapepera.​—Sab 25:8, 9

• Kocam aituutoorio naijaikinio jo, kwape nat kotoma atutubet naka airiamununeta nukokiding naka esabiiti

• Koomoom iponesio luipedoria jo ainyikokin aijaanakin Yawe ido kitolom alosikineta nuingarakinete jo aswam ngun.​—Pil 3:13

• Kokapakina aipal idiobore kere tetere jo ipedori ainyikokin adumunun aituutoorio.​—Pil 3:8

KOSESENATA EBIDIO ABARIT KOTOMA OMOYO KANUKA AISISIANAKIN NAKA YAWE, KOSODETE ABONGONOKIN AINGISETA NUTA:

• Ani bo ainingosia ace nuapotu iinacan kipikosi kanu alosit Osomero Loka Ikalimonokinak Akiro Nuka Ajakanut?

• Ani bo aituutoorio naijaikinio Osomero Loka Ikalimonokinak Akiro Nuka Ajakanut?

• Epone bo ani apotu iinacan luka atukot ingarakiniata ngul luelomunitos kosomero kangol kotoma aijaanakinikec?

• Anyoika bo nuibusakinit itunganan aswam kanu anyarario Osomero Loka Ikalimonokinak Akiro Nuka Ajakanut? (kr-E 189)

• Ani bobo aituutoorio ace naipedori jo adumun kotoma atukot naka Yawe?