Ageun okaru lo, ibuni oni ajaun keda apak naedolit kanu aitemonokin Aiitun Atwanare Naka Yesu. Arai ebeiki Aiitun Atwanare Naka Yesu apaaran namam erai Naemukaaga arai Naesabiiti, mam eponio aitolot airiamununetawok nuka Aijar ka Alimonokin kosabiiti kangon. Konye arai ebeiki Aiitun Atwanare Naka Yesu Naemukaaga arai Naesabiiti, mam einakinio einer loitunga kere ido mam isisiao eWatchtower. Ikapakina kereka jo aridun apak kanu aitemonokin? Kwape kapakio nuka ikiyakia, ajai aitemonokin kanuka ainapeta nuka Aleleng. (Luk 22:7-13; km-E 3/15 1) Ibusakinit oni kere aitemonokin itauonowok. Epone bo ani ipedoria oni aswam ngun?

• Koomoom nuikamunitos ajokis naka abunere Aiitun Atwanare Naka Yesu.​—1Kor 11:23-26

• Kilip ido koomoom nuikamunitos eidicanekon kede Yawe.​—1Kor 11:27-29; 2Kor 13:5

• Kosiom kosodi aomoom ikokoron luitetemitos ajokis naka Aiitun Atwanare Naka Yesu.​—Yok 3:16; 15:13

Iinacan luipu, esiomenenete ka aomoom nuikamunitos asioman naka Ebaibuli naka Aiitun Atwanare Naka Yesu nuejaasi toma oitabo Examining the Scriptures Daily. Itosomaete ice ainapeta nuitodunitai kokwap kane. Ido itosomaete ice akiro nuejaasi oWatchtower kanu aisisia nuikamunitos Aiitun Atwanare Naka Yesu kede amin naapotu Yawe ka Yesu kitodikisi oni. Koseu ediopone kere loikotor ijo aisisia tetere ikunyakini neejai Yawe keda Okokuke.