Apotu Yakob koutata kemalaika kanuka akiro nuepolok​—adumun arereng kaneejai Yawe. (Age 32:24-31; Kos 12:3, 4) Do bo do oni? Ikapakina kereka jo aswam kagogong arimaarit Yawe tetere idumuni arerengusioke? Kwape aanyunet, arai ebeit jo aseun alosit airiamununeta arai ainyikokin aswam isawan luiyatakina kotoma aiman, ani bo nu ti kiseu jo? Arai kijaik oni Yawe nuipedori kere kwape nat awokapak, awokagogong, keda iborowok, kibukokini ngesi oni ‘arerengusio.’ (Mal 3:10) Einakini ngesi oni aicoreta, eyuwaari ngesi oni ido einakini ngesi oni iboro luipuda.​—Mat 6:33; Bur 13:5.

KOBOLIAK EBIDIO KOPODOKINITE ALOSIKINETA NUKOMOYO, KOSODETE ABONGONOKIN AINGISETA NU:

• Epone bo ani aponi kitemere inac keda ibore yenemina ngesi?

• Epone bo ani epedoria aswamuwok araut aitemisioit kaneijai oni?

• Kanukinyo ebusakinitor Timoteo ainyikokinit apodokinit alosikineta nukomoyo karaida erai ngesi Ekristayot loapoloorit kotoma omoyo?​—1Tim 4:16

• Epone bo ani itodunia oni aswam naerai “naepol kakere kamawok”?