Aponi kicorakinai Yeremia aikwenyar Iyudayan kanu amudiaro naebunit naarai apotu kesi imurokisi Ekecedeke Yawe. (Yer 13:25) Epone bo ani adolokiniata kesi toma ojautene loka amamut kaiyuun? Apotu Ikalia luko Isirael kotwakiasi akeceiyuun. Mam engarenok luka ikalia atupitos aicoreta nuka Yawe nuejaas toma oitabo loka Ikisila 6:5-7.

Ikalia luegogong kotoma aiyuun kesi einakinete atukot araut naicasit kapaarasia kanu. Epedorete engarenok luka ikalia aingarakin ikaliakec aiitunit Yawe kotoma ainapeta nuepolok nuka aima duc kwape ekale. (Sab 22:27) Akaulo na asesen ebidio “Akiro nu da . . . Kojaananas Otaukon”—Aingitingit Lukokale, kobongokisi aingiseta nu:

• Epone ani apedoriata ikalia ice aitiji atiokisio nuetereinikinos keda kesi kotoma aima kwape ekale?

• Anyoika bo arerengusio nuejaas toma atupit ainapeta nuepolok nuka aima duc kwape ekale?

• Anyoika bo atiokisio nuadumununei eong kotoma aima kwape ekale, ido epone bo ani ebeitor eong aitemokin kes?