Eitabo Lukangai Kiswamaete Akote Naka Yawe Lolo? inomunitai kanuka aimor kede ikesisian Ebaibuli kageunet arai bo kangeset naka aisisia. * Aisisiaet na 1 kiton na 4 itejenikini itunganan nuikamunitos oni. Ingarakini aisisiaet na 5 kiton na 14 ngesi amisiikin aswamuwok naka alimonokin, ido aisisiaet na 15 kiton na 28 itodikini kesi epone loiswama atukotowok. Ejok duc ameun aisisiaeta kwape ejaatar konye arai ejai acekirot naekoto ikesisian amisiikin nesi konyet ilamaror ijo. Kangin aisisiaet, erai apapula adiopet ido epedori aisisia ayangaikin idakikan 5 arai 10.

• Kingit aingiset naejai toma aisisiaet

• Kosiomata aisisiaet kere arai kotoma atutubena

• Kitetemoto nuidautu asiom. Kingit aingiset naejai kwap kapapula keda aitetem aputosia nuejaasi toma. Kosiom ido kitetem ikokoron nuejaasi toma kwape ibusakinitor. Kitacaik ngesi ebe ebongokinitos akiro nuidikok aingiset nakokuju

• Arai ejai asaduku “Kojenu Ace,” kosiomata kosodi aisinyikokin ikesisianikon aswam nuicorakinitai