KANUKINYO EJOKUNAR: Epedorete esisiak amisiikin ibore arai itemonokisi kesi ido iitunete kesi nuisisianakinio. Iyatakinete kesi apol kotoma omoyo arai epedosi kesi amisiikin keda aiitun nuisisiaete kesi. Karaida ibatisaunos kesi, ibusakinit kesi aitemonokin kanu airiamununeta ka alimonokin tetere kesi ‘ekwenyete’ kotoma omoyo. (Mat 25:13) Kanuka ngun, imedaunete kesi naarai ejenete kesi aitemonokin ido ejaatar keda ainapeta nuka aisisiaenen duc. Ekoto oni aingarakin esisiakawok aitemonokin eroko egeunia aisisia Ebaibuli ameun kageunet.

EPONE LOISWAMAET:

• Koraun aanyunet najokan. (Rom 2:21) Kitemonok kanu aingarakin esisianikon. (km-E 11/15 3) Kitodik ngesi epone loitemonokinitor ijo eitabokon

• Isinyikok ngesi aitemonokin. Kitetemik nges ebe erai aitemonokin adiope kainapeta nuka aisisia ido imedai. Kolimok ngesi nuepedori ngesi aswam tetere edumuni apak naitemonokin. Ipedori ijo ainakin ngesi eitabokon loitemonokinit ijo, itosomai do ijo loke lomam itemonokinitai kanu aingarakin ngesi ajenun ajokis naka aitemonokin. Isiyalamik ngesi arai itemonokit

• Itodik ngesi epone loitemonikinet. Apedosi iinacan ice aitosom apak naka aisisiakec aimor aitemonokin nepepe keda esisian kanu aingarakin nges ajenun epone loitemonokinet