Aitosom iboro luepedori itunganan asesen, ingarakini nges amisiikin ka aiitun nuesisiau ngesi. Edeke Yawe ngesi erai losodit aisisianakin itosomai iboro luipedori jo asesen. (Age 15:5; Yer 18:1-6) Itosomat Yesu da loerai Ekesisianakinian Lopeti. (Mat 18:2-6; 22:19-21) Apakio nu, eraas ibidion iboro luetapit itunga asesen. Itosomai kereka jo jokan Iitabonowok Keda Ibidion Luka Alimonokin kotoma aisisianakinikon?

Etolomun ibidion itomon kanu aitosom kotoma aisisiaeta nuka eitabo Akiro Nukajokak Kaneejai Edeke! Kangolibidio, iriamanara keda aingiset adiopet naikeunitai kotoma oitabo kangon. Kolago, ejaas eitabo ngon keda akiro nuicikakini jo kanu aisitiikin jo apak naebeitor aitodiar ebidio kotoma aisisiaet. Aiyatakin nen, ejaas bobo ibidion ice luipedori jo aitodiar kotoma aisisiakin itosomai iitabon ice luejaas toma Oitabonowok Keda Ibidion Luka Alimonokin.

Ejaa kereka akiro nuikarunit esisianikon amisiikin? Ejai kereka esisianikon ationis naedoikit? Komoo ibidion kojw.org® arai bo JW Broadcasting® luepedorete aingarakin nges. Ipedori jo asesen ibidion ngul keda nges kosodi aimor keda nges.

Itolomununio ibidion luitetiak angolilap. Kidau jo asesen ibidion ngul, koomoom epone loipedoria jo aitosom kes aisisianakinia luce.