KANUKINYO EJOKUNAR: Eitabo loka 1 Ikorinton, erai ediope kotoma obaluan 14 luewadikai ekiyakia Paul kanu aisinyikokin iinacan. Ejaasi ekewadikan keda aseunet aitosom akiro nuibusakinito kotoma obaluake ido epedori yeniwadikakitai abongobong aisiom ebalua ngon. Eraasi ibaluan idiope koiponesio luejok alimonokinia ipajan keda ipapero. Ejokuka bobo ibaluan naarai ipedori ijo alimonokinia ngun lumam ijo ti ipedo adumun ore. Kwape aanyunet, epedorete ice koraasi lueminasi abeit konye komam ijo ipedori adumakin oreriakec. Epedorete ice katutubet araut luetiono adolokin naarai ebwaunitai ireriakec, eraasi aiboisio ace nuirigaunitai ido nuelwaka. Anyoika bo nuibusakinit ijo aswam naiwadika jo ebalua neejaasi itunga lumam ijo ijeni?

EPONE LOISWAMAET:

• Kiner nu ti ipedo ijo einer karaida komamei ebalua. Kogee ber aitejenun ekirorikon obaluakon, ido itejen apolou naiwadika ijo ebaluakon. Ipedori jo aingit aingiset kanu aijaikin itunganan aomoom kosodi aijukar nges olagowok. Kolimok nges nuikamunitos ainapetawok nuka aisisia Ebaibuli keda nuikamunitos eitabo loitosomao kotoma aisisia arai esula loka eitabo kangon. Ipedori ijo aijukar iboro kwape nat akaadi naka elago, anyaraunet naka airiamununeta, arai bo nat aturakit

• Ekoto kowuriana. Kongetak ebaluakon tetere mam yenijukakinit ijo epasi aisiom.​—Koany ebalua loeinakinitai kwape aanyunet

• Kosiom ber kanu airereor aibucaret ido ekoto kocai kopatana aisiom, ekoto orai loipaperono ido kojok aisiom