Nuapotu kotakanikis idwe luka Isirael kapuutona nuko Moab eraasi aanyunet naikwenyari Ikristayon lolo. (1Kor 10:6, 8, 11) Idwe luka Isirael luapotu kisuparos keda angor nuko Moab nudotia nuamaete aputosia apotu ingalaaros aswam aronis. Apotu ngun koyangautu atiokisio nuarokok noi. (Mar 25:9) Elukunitos oni itunga lumam ijaanakinete Yawe kwape nat iidunyeta, isiometa, ipapero, ipajan ka ngul luiswamaete kaoni. Anyoika bo nuisisiauni oni kotoma akiro kanu kanuikamunitos atiokisio nuelomunete kotoma aupa keda itunga lumam ijaanakinete Yawe?

KOSESENATA EBIDIO AANYUNUNETA NUKA ITUNGA NUIKWENYARETE ONI LOLO​—NUETIAKUNITAI, KOSODETE ABONGONOKIN AINGISETA NUTA:

• Anu bo aomisio nuarokok nuatamit Simiri ka luce aingalakin Yamin?

• Epone bo ani abu Pinekas ingarakinia Yamin amisiikin akiro ngun ejok?

• Ani bo atiaketait naejai kiding anaikina keda itunganan yenimam ijaanakini Yawe ka araut ipaperoke?

• Kanukinyo ibusakinitor oni acoit naisea oni ipaperowok karaida kotoma atukot?

• Kanukinyo ibusakinitor oni aisac einer kolago keda itunga lumam oni ijeni ejok?