Abeit Aleleng naka Yesu nakawasia araun naepol ajokis noi. Naarai ayapie aketwanare noi, abu ngesi itemok ainyam Aleleng nepepe keda ikiyakiake kosodi aitegear ainapeta nuitetiak nuka Inyamat Luka Ejakait Lukatibong luabeit ajaunun kangolikaru. Aso, abu ngesi kijuka Petero ka Yokana aitemokin agola. (Luk 22:7-13; koany aputo naejai abuku.) Isiitikit na oni aitemonokin kanu Aiitun Atwanare Naka Yesu kolap Loiwuniet 27. Aticepak etolomutu atukona ainapeta nuikamunitos eneran, emugaati keda ebino, ka ace da. Konye, anyoika bo nuipedori oni aswam kwape idiopediopen kanu aitemokin kanuka Aiitun Atwanare Naka Yesu?

Itemonok etaukon. Kosiom ido koomoom asioman naka Ebaibuli naka Aiitun Atwanare Naka Yesu. Idumakini jo ainapeta ngun oitabo Examining the Scriptures Daily. Ejaatar bobo Appendix B12 kotoma revised New World Translation of the Holy Scriptures kainapeta nuipu. (Koany bobo Eitabo Loka Airiamununeta Aijarawok ka Alimonokin loka elap Loiwongonet 2020.) Epedorete ikalia adumun akiro nuisisiaete kesi kotoma aima kwape ekale kanuikamunitos ajokis naka alucet kopone loaiwany Watch Tower Publications Index arai bo Research Guide for Jehovah’s Witnesses.

Konyarau luce da. Iswama kagogong akorar akaadin. Koomoom ber ijo ngul luipedori ijo anyaraun kwape nat ngul luidumunit ijo kotoma abongoret, lukolo esisiate ka jo Ebaibuli, luenaikina ka jo, keda ipajanakon. Ekot imakio aanyun ebe enyaraunete kesi ngul luejoniaritos da. Kiitu ebe arai mam itunganan iboie katutubetekon, ipedori ijo adumun esawa, ka aiboisit naka Aiitun Atwanare Naka Yesu katutubet naka itunganan kangin kopone lo jo aicikakin atutubet NUIKAMUNITO ISIO kokuju naka apapula nasodit kojw.org kosodi acikakin atutubet “Aiitun Atwanare Naka Yesu.”

Inyoin bobo ipedori oni aswam kanu aitemonokin?