Epedorete atiokisio ainakin oni aiyalongong kacut arai mam enangakinete. Ajeni Daudi ebe atiokisio nueponitos kaneejai Ekabaka Saul, ejai enange ido ebe ebuni ngesi araun ekabaka kwape esumunitor Yawe. (1Sam 16:13) Abu aiyuun kingarak Daudi atitingikin ka aidareikin Yawe.

Naedoikinioto oni atiokisio, ekot oni aitosom acobeu, aijen, arai bo aomoom epone loijulakinor ejautenewok araun loejok. (1Sam 21:12-14; Awa 1:4) Eebo, epedorete atiokisio ace ainyikokin ajaut karaida kitam oni aswam nuipedori kere nuecamanara keda aicoreta nuka Ebaibuli. Kojautene kangon, ibusakinit oni atitingikin ka aidareikin Yawe. Eyapie nges alemar atiokisio kere ido “emwatari ngesi akiyo kere” kakonyenewok. (Apu 21:4) Arai iswamauni Yawe idiobore yeneinakini oni adumun ainapakin arai bo nat idumuni oni ainapakin kopone ece kere, abeit ngesi nata ebe: Kanginitionis, ejai apak naenangakini. Aijen nuikamunitos abeit na, epedori ainakin oni aitalakario.

KOSESENATA EBIDIO ITUNGA LUIMORIKIKINA KOTOMA AKWAP NAEJAI ATIAKATIAKA, KOSODETE ABONGONOKIN AINGISETA NUTA:

• Anu bo ainingosio nuapotu iinacan ice luko engalakimak nako United States otereikinotor?

• Epone bo ani apotu kesi kitoduniata atitingikinit keda amin?

• Epone bo ani apotu kesi isingarenoto “iboro luepolok”?​—Pil 1:10, NWT