Ekot Yawe oni aijaanakin nges kotoma amin. (Mat 22:37, 38) Amin Edeke nges isipedoori esisiakawok aiswamaun aijulanakineta nuipudai keda asalakin icasitos karaida ejaasi atiokisio. (1Yok 5:3) Amin Edeke nges einakini kesi aibatisaun.

Ingarak esisiakakon kojenutu ebe emin Edeke kes. Ingit kes aingiseta kwape nat: “Inyo bo isisiauni ijo kane kanuikamunitos Yawe?” arai bo “Epone bo ani itodunitotor nu ebe emin Edeke ijo?” Kitejenik esisian epone loeminar Edeke nges. (2Siit 16:9) Kijaik aanyuneta nuitetemitos epone loabongokinia Edeke ailipasineikon, ido isinyikok esisian akokakinit amisiikin epone loebongonokina Yawe ailipasineike. Iyatakin aiyalamawok naiwanyunia oni esisiakawok emisiikinete ebe emina Yawe kes kosodete kesi da aminun Yawe.

KOSESENATA EBIDIO INGARAK ESISIAKAKON ADUKUN EIDICANE LOAJOKAN KEDA YAWE, KOSODETE ABONGONOKIN AINGISETA NUTA:

• Anu bo ainingosia nuapotu kotereikinos keda Jade?

• Epone bo ani abu Neeta ingarakina Jade?

• Epone bo ani abu Jade kopedoria aipikor ainingosia ngun?