Abu Daudi kipiko Goliat naarai amunokina Yawe. (1Sam 17:45) Ekoto Yawe aitodun akegogong kanuka ejaanakinakake kere. (2Siit 16:9) Epone bo ani ipedoria oni amunokin aingarakinio naeinakini Yawe oni itia amunokin amisiaritewok keda agogonguwok? Kotoma oponesio luta iuni:

• Kilepenei tiritir. Kilip mere bon kanuka aisionio akaulo naka aibucar konye kanu agogong naka atereikin keda aitemisioit. (Mat 6:12, 13) Kilip mere bon kanu Yawe aisirereng aseununeta nuidaunit aswam konye kanuka aingarenikinioke keda acoa eringa iswamauna aseuneta.​—Yak 1:5

• Kojaasi keda ainapeta nuka asiomenen ka aisisiaenen Ebaibuli. Kosiomenenei Ebaibuli kanginipaaran. (Sab 1:2) Koomoomoenenei aanyuneta nuka Ebaibuli, ido kipikak toma aswamisioit nuisisiai jo. (Yak 1:23-25) Kitemonok kanuka alimonokin itia amunokin amisiaritikon. Kimedau jokan kotoma airiamununeta kopone lo aitemonokin kanuka airiamununeta

• Kiswama kimorikikina nepepe keda atukot naka Yawe. Kojen nuitetiak nuijaikinit atukot naka Yawe ido kotupak katipet. (Mar 9:17) Kopupok imakio neinakiniata oni aicoreta keda nutupitono.​—Bur 13:17

KOSESENATA EBIDIO EMAMEI IBORE IBUSAKINITOR ONI AKURIAN AREIO, KOSODETE ABONGONOKIN AINGISETA NUTA:

• Ani bo akurian najaatatar inacan keda ainacan?

• Inyoin bo abu ingarak kesi atereikin keda akurianukec?