Ngul bon luejokuka iponesio kes epedorete ajaut keidicane loajokan keda Yawe. (1Pet 1:14-16) Naejalakiniata esisiak iponesio luarokok, epedorete kesi aimedaun kotoma okale, angaleu keda owai loka ikapun.

Kitetem jokan aicoreta nuka Yawe, kanuinyo einakinitere aicoreta ngun, keda ameda naidumuni oni kotoma atupakin aicoreta ngun. Kisingarenite aingarakin esisiakakon aijulakin epone loewomoomata kesi, ido epatanikini kes aijulakin iponesiokec. (Pes 4:22-24) Kitejenik kes ebe epedori Yawe aingarakin kes ajalakin iponesiokec luarokok. (Pil 4:13) Kisisianak kes ailip neejai Yawe naetereikinotor kesi keda eipud loka adiakar. Kingarak kes amisiikin ejautene loibusakinit kesi aisac loepedori ainakin kes aitemisioit naka adiakar. Kisinyikok kes aisiecakin aswamisio nuarokok keda aswamisio nuajokak. Ipedori oni adumun aiyalama kotoma asesen esisian iswamauni aijulanakineta kingarakinite Yawe.

KOSESENATA EBIDIO INGARAK ESISIAKAKON AISAC ASWAMISIO NUAROKOK, KOSODETE ABONGONOKIN AINGISETA NUTA:

• Epone bo ani apotu imakio keda Neeta kitoduniata ebe emunokina kesi Jade?

• Epone bo ani abu Neeta kinyikokinia aingarakin Jade?

• Epone bo ani abu Jade komoia aingarakinio kama ejai Yawe?