Ediluutu kwana noi iboro luengesununos. Naetakanunia engeso, ibusakinit adio ainapeta nuka ainakin itunga agangat korai naitemokinitai jokan ido inapakina. Ngun nges etolomunia Atukot Naeyait ainapeta nuka aitegear Edipatiment Loka Engeso kotoma anginiyapeesi loka eburanc.

Naisisiauniata iinacan luka edipatiment angon nuikamunitos engeso, epote kesi katipet adolokin imakio luka atutubet angin kanu ajenun epone loka aingarakinio naipudasi iinacan. Arai mam iinacan luka atutubet epedorete aingarakin yenicie naarai apol engeso noi, ebuni do eburanc aseun iinacan luekusiaritos kanu ayait ainapeta nuka agangat naka engeso. Epederete iinacan ngul ailip iinacan ice alemun kanu aingarakin, ailip iinacan aijaikin ainanakineta nuka iboro ice, arai ailip iinacan egwelet ka akorar iboro luipudai kotoma atutubet angin.

Ipu ajokisio nuka ayait ejautene ngon kopone kalo. Ingarakini aisac abongokin aswam nuedaunit icetuan aswam, elamari aitotolikinio keda ingarakini aisac aicanican ikapun ka iboro naarai etapit ngun duc atakanun arai egeutu iinacan aswam iboro koponekec bon.

Epedorete iinacan lueseunit eburanc aitutub etiai loka ikapun keda enaaba loka iinacan luipudai kanu aitodolikin agangat naka engeso. Epedorete bobo kesi ajenun ikayaitok kotoma aiboisit angin, naarai etapit duc itunga ngun aingaranakin oni noi kotoma aswamuwok naka aigang iinacanawok luedoikinit engeso. Aso, mam ibusakinit idiotunganan aitegear ainapeta nuka aituk agangat, arai aijukar agangat keda alosit aiboisio ngun nuedoikinit engeso komam ilimokinitai yes aswam ngun.

Naetakanunia engeso, ikoto oni aingarakin. (Bur 13:16) Imina oni iinacanawok! Anyoika bo nuipedori oni aswam? Ibore yenepol kakere, ipedori oni ailip kanu iinacan luedoikinit engeso ka ngul luijainikinete agangat. Ipedori oni aijukar agangat kanu aswam naka akwap kere (worldwide work). Ingarenikinite Atukot Naeyait, epedorete iyapeesin luka eburanc aitutub epone loajokan loitosomaet ikapun ngun. Ido arai ikoto oni aingarakin kwape idiopediopen, ipedori oni aitodun kopone lo aileleb afoomu Local Design/Construction Volunteer Application (DC-50).

KOSESENATA EBIDIO AKALELE NAAJAI BRAZIL, KOSEDETE ABONGOKIN AINGISET NA:

Anyoika bo nuapotu kominakisi jo kanuikamunitos agangat naka engeso naapotu Ajenak Luka Yawe ijaikisi akaulo naka akalele naabu kodoik Brazil kokaru 2020?