KANUKINYO EJOKUNAR: Ibusakinit itunga aiwone ekiror loka Yawe tetere itajario. (Rom 10:13, 14) Konye mam itunga kere luecamunitos aisisia Ebaibuli ekapakina aijulakin aijarakec otupitos ikisila luka Yawe. Ibusakinit oni aitosom apakiwok ejok kotoma alimonokin kanu aingarakin ngul luekotosi aijulakin aijarakec kanu aisiyalamikin Yawe. Arai mam itunganan yenisisiaete keda jo Ebaibuli iswamai aijulanakineta kotoma aijarake akaulo aisisia adaun apak naepol, ibusakinit apalar aisisia keda nges kosodi aingarakin ngul luiriunit Yawe atukotoke. (Yok 6:44) Konye, arai itodu itunganan ebe erai ngesi ‘yenelosikinit aijar namam edaun,’ ipedori jo aisisia keda nges bobo.​—Asw 13:48.

EPONE LOISWAMAET:

• Isiyalamik itunganan kanu akote aisisiaun abeit.​—1Tim 2:4

• Itacau ajokis naka aswam akiro nuadau nges aisisiaun.​—Luk 6:46-49

• Itetem keda nges aitupuset naka ekayean, kosodi alimokin ngesi aomoom ibore yen aticepak itikokinit ngesi apoloo komoyo.​—Mat 13:18-23

• Itetemik nges kacobeu ibore yeniutar jo apalar aisisia keda nges Ebaibuli

• Itijenik nges ebe ibuni jo abongonor aisinyikonokin nges ido kolimok nges ebe ipedorete yesi ageun aisisia oingaren arai egeu nges apol komoyo

KOSESENATA EBIDIO, KOSODETE ABONGOKIN AINGISETA NU:

• Inyoin bo abu jo kowanyu kotoma oinerike loitodunit ebe mam esisian epoloi kotoma omoyo?

• Epone bo ani abu onac ingarakinia esisian ajenun ebe ibusakinit ngesi aswam aijulanakineta kotoma aijarake?

• Epone bo ani abu onac itejenikinia esisian ebe ebeit kesi ageun aisisia oingaren?