IJAR KWAPE IKRISTAYON
Kidarite Katitingikin
Apak naetia bo ai idau ijo idarit Ajakanut Naka Edeke? Ititingikinit kere ijo atiokisio nuipu? (Rom 8:25) Etereikina Ikristayon ice keda elait, areio, aenio ojera, arai bo nat aitukurianio ebe eyario kes. Luipu, etereikina keda ationis naka adeka arai bo nat amojongu.
Inyoin bo epedori aingarakin oni aidarekin katitingikin karaida ipu oni atiokisio? Ibusakinit oni aitogogong aiyuuniwok kopone lo asiomenen Ebaibuli keda aomoomoenen nuisisiai oni. Ibusakinit oni aiitunit amunowok nakoingaren. (2Kor 4:16-18; Bur 12:2) Ibusakinit oni aingaingaa Yawe kasodete ailip ngesi koinak oni emoyo lokalaunan. (Luk 11:10, 13; Bur 5:7) Ingarakini Yawe oni atitingikin “kaiyalama.”—Kol 1:11.
KOSESENETA EBIDIO IBUSAKINIT ONI ‘ABOLOBOL KATITING’—KOJEN EBE IDUMUNI JO EROPIT, KOSODETE ABONGONOKIN AINGISETA NU:
-
Anyoika bo atiokisio nueminasi angesun kotoma aijar? (Lim 9:11)
-
Epone bo ani ingarakinia ailip oni kotoma atiokisio?
-
Kanukinyo ibusakinitor oni apodokinit nuipedorit oni aswam kwape kwana itia nulem ipedorit oni aswam kotoma aijaanakin Yawe?
-
Kosesen eropit loebunit koingaren
Inyoin bo ingarakini ijo asalakin ititingikinit kitoni adumun eropit?
