Kokaru 32 A.N.Y., eyapie apak naka aleleng, abu Yesu kiswama aumokinet nasodit naiwadikatai toma oitabon iwongon kere luka eijiri.

Aumokinet naabu Yesu kiswama, ngesi aanyunet naeringa ngesi etupit kitoni lolo aitania oni.

14:16-21

• Abu Yesu icorak ikesisiak aitan ikodeta, karaida eraasi imugatin ikany ka agaria aarei bon ajaasi

• Abu Yesu isirereng imugatin ka agaria kijaik ikesisiak akorakin ekodet

• Araasi nu nukaumokin, apotu inyamat kodoloto itunga kere ka aideun da. Abu Yesu kitan itunga luipu kakanin nuikidioko​—ikesisiakake

• Abu Yesu kodwarite epone loidumunia oni inyamat luka omoyo kapaarasia nuka awasia “apakio nuedolito.”​—Mat 24:45

• Kokaru 1919, abu Yesu kodakak atukot naedit naka iinacan luinyonyoikinitai, “ebulesit lomunot loepiriana da,” ayait “lukokaleke”

• Etupit Yesu aanyunet naabu ngesi kitegea kapaarasia nuka ikiyakia kitosomai atukot naedit naka iinacan luinyonyoikinitai

Epone bo ani etodunia eong ebe ajeni eong ido ayongit eong epone loitosomai Yesu kanu aitan itunga kotoma omoyo?