Neajaar Yesu toma akwap, abu itogogong aicorakinet na: “Koyongitenenei papakon ka totokon.” (Any 20:12; Mat 15:4) Apatanikinit Yesu einer ngun naarai ‘anonokikinit’ ngesi auriakake nearaar ngesi atumunan. (Luk 2:51) Neapolouna ngesi, abu Yesu itemonok epone loidarere totoke naarai ayapie nges elopet atwanare.​—Yok 19:26, 27.

Lolo da, atumunak luerimarito ido koyingitos ikeceuriak itodikinitos kes aibuses. Kabeit, aicorakinet naka ayongit auriak mam erai naka apak naedit. Imedauni oni kotoma acoa naka awokauriak arai kinyikok oni ayongit kesi karaida emojongata. (Awa 23:22) Bobo da ekoto oni aidar awokauriak, kapodokinitos ipudasiakec, ka epone loepupioto kesi. (1Tim 5:8) Arai ipol ijo arai mam, ipedori ijo aitodikin auriakakon ayongit arai inerasi ijo keda kesi ejok.

KOSESENATA EBIDIO EPONE BO ANI APEDORIA EONG EINER KEDA AURIAKAKA? KOSODETE ABONGONOKIN AINGISETA NU:

• Kanukinyo etionor ijo aticepak einer keda auriakakon?

• Epone bo ani ipedoria ijo ayongit auriakakon kotoma oinerikon?

• Kanukinyo edolitor ijo einer keda auriakakon? (Awa 15:22)