KANUKINYO EJOKUNAR AITOSOM AINGISETA: Kwape ‘esubitor ainerun naka otau loka itunganan bala atan naidul,’ aso esubitos aingiseta bala ibore yenitosomao aokuna akipi katan. (Awa 20:5) Ingarakinete oni aingiseta einer keda itunga. Arai ingit oni aingiset naejok, idumuni oni abongokinet naibecokina. Engisenenei Yesu aingiseta nuejokuka. Epone bo ani ipedoria oni aputoor ngesi?

EPONE LOIPEDORIA ONI ASWAM NGUN:

• Ingit aingiset naijaikini itunganan aoomoom. Atapit Yesu aingitingit ikesisiakake aingiseta kanu ajenun nuaomomoete kesi. (Mat 16:13-16; be-E 238 ¶3-5) Ani bo aingiseta nuipedori ijo aingit nuijaikinete itunganan aomoom?

• Ingit aingiset naijaikini itunganan adumun abongokinet. Kanu aingarakin Petero aitemokin epone loaomooma ngesi, abu Yesu kingitingit Petero kosodi aijaikin ngesi aseun abongonokinet kanu aingarakin ngesi amisiikin. (Mat 17:24-26) Ani bo aingiseta nuipedori ijo aingit nuijaikinite itunganan adumun abongokinet?

• Kisiyalamik itunganan. Neabongokinio ekewadikan “kapirianut,” abu Yesu kisiyalamik ngesi. (Mk 12:34) Epone bo ani ipedoria jo aisiyalamikin itunganan yenebongokini aingiset?

KOSESENATA ATUTUBET NASODIT NAKA EBIDIO KISWAMA ASWAM NAESWAMAENENEI YESU​—AISISIANAKIN, KOSODETE ABONGOKIN AIGISETA NU:

• Kanukinyo araar lo epone lokaronon loka aisisianakin karaida eraasi akiro nukabeit?

• Kanukinyo ibusakinitor oni aitosom aingiseta itia aitetem akiro aitetem?

KOSESENATA ATUTUBET NAIYAREIT NAKA EBIDIO, KOSODETE ABONGOKIN AIGISETA NU:

• Epone bo ani etosoma onac ngon aingiseta ejok?

• Ani bo iponesio ice luka aisisianakin luipedori oni aitosom?