Kwape abu Yawe itemonokinia idwe luka Isirael, itemonokini ngesi lolo itungake kanu aitodolikin akoteke. Anatar akwap kere, iswamaete iyapesin luka eburanc, aanyanareta, atukona, ka igurupun nepepe kanu alimonokin akiro nukajokak. Ilimonokini oni itunga kere, aimoriarit itunga lumam inerasi angajepewok.​—Apu 14:6, 7.

Iwoomoomotor kereka jo aisisiaun angajep ace tetere ipedori aingarakin itunganan aisisiaun abeit? Karaida edit apakikon kanu aisisiaun angajep ace, ipedori jo aitosom JW Language app kanu aisisiaun akiro adis nuipedori alimun kotoma alimonokin. Ido akaulo jo aitosom akiro ngun kotoma alimonokin, aticepak idumuni jo aiyalama kwape kanajaatar Ikristayon luka apakio nuka ikiyakia naumokiniata itunga luka aiboisio ace apupun “aswamisio nuepolok nuka Edeke” kotoma angajepekec.​—Asw 2:7-11.

KOSESENATA EBIDIO KORAUN EPAPERO LOKA YAWE​—ALIMONOKIN AIBOISIT NAINERARE ANGAJEP ACE, KOSODETE ABONGONOKIN AINGISETA NUTA:

• Iwori bo aticepak ipudakinor jo aitosom JW Language app?

• Anu bo iboro luejaas toma JW Language app?

• Anu bo angajepisinei nuinerasi itunga lukotoma atutubetekon?

• Inyoin bo ibusakinit ijo aswam arai kidum jo itunganan yeninera angajep ace konye kokoto aisisiaun nuipu kotoma Obaibuli?​—od-E 100-101 ¶39-41