Kanu araun ipapero luka Yawe, ibusakinit esisiak aseun aupa najokan. (Sab 15:1, 4) Ebuni aupa najokan aingarakin kes aswam nuajokak.​—Awa 13:20; lff aisisiaet na 48.

Naiwutar jo aingarakin esisiakakon aisac aupa naronon, korai yenisiana. Aticepak etionikinit kesi ajalakin ipaperokec lukakwapin. Kanuangun, itodik kes ebe ipodokinit jo kes karaida kotoma apakio numam yes isisiata. Aticepak imoriaritos nu aijukakin nges emesej, ainomakin esimu, arai bo aipejokin nges. Neinyikokinia esisianikon apol, ipedori jo aisukunyun kes aupa keda ejaanakinak luka Edeke. Koipone kangol epote kesi aipup bala epol ameda naejaatatar kesi adepar nuewutasi kesi atwaniar. (Mk 10:29, 30) Ibuni jo da adumun aiyalama neisesenia jo ekale loka Yawe epoloi.

KOSESENATA EBIDIO INGARAK ESISIAKAKON AISAC AUPA NARONON, KOSODETE ABONGONOKIN AINGISETA NUTA:

• Inyoin bo aupa naronon?​—1Kor 15:33

• Epone bo ani aomitor Jade ejaar airiamun naka Ikristayon?

• Epone bo ani abu Neeta ingarakinia Jade aseun ipapero luajokak?