Abu Samuel kosalak emunokina neejai Yawe kotoma apakio kere nuka aijarake. Nearaar itelepat, mam ngesi abu kocamak iponesio luarokok luka odwe luka Eli, Kopuni keda Pinekas, amunaar iponesioke lukajokak. (1Sam 2:22-26) Abu Samuel kinyikok apol, ido ajaenena Yawe kanges. (1Sam 3:19) Neapolounia ngesi, abu Samuel inyikok alosenenen kotoma orotin luka Yawe, karaida mam odweke eswamaete ngun.​—1Sam 8:1-5.

Anyoika bo nuisisiauni oni kotoma aanyunet naka Samuel? Arai kirai jo atumunan, komunokin ebe ejeni Yawe ainingosia kere nuetereinikinos keda jo ka aimoriarit epone loipupia jo. Epedori ngesi aingarakin jo adumun atiting. (Isa 41:10, 13) Arai kirai jo aurian yenepaarit ikoku, kodum aitalakario kotoma aijen ebe mam Samuel apedori abuikin odweke luapolok asalakin emunokina ikisila luka Yawe. Aiyatakin toma ajalakin akiro akanin nuka Yawe, abu bobo ngesi kosalak emunokina neejai Yawe keda ainyikokinit aisiyalamikin ngesi. Aticepak ebuni aanyunetekon najokan aingarakin ikonikoku abongun neejai Yawe.

KOSESENATA EBIDIO KISISIAU KANEEJAASI KESI​—SAMUEL, KOSODETE ABONGONOKIN AINGISETA NUTA:

• Epone bo ani abu Samuel itodunia atiting naarar ngesi itelepat?

• Epone bo ani abu Danny itodunia atiting?

• Epone bo ani abu Samuel itodunia aanyunet najokan naarar ngesi etunganan loemojongit?

• Epone bo ani apotu auriak luka Danny itoduniata aanyunet najokan?