Kapakio kanu nukawasia, itereikina oni keda atiokisio nuipu. Acepakio ipedori oni aipup bala alangiroto atiokisiowok noi ido mam epatana aibwok. Konye arai inyikok oni aikunyakin neejai Yawe, ingarakini ngesi oni aibwok atiokisio kere karaida nuepagal noi. (Isa 43:2, 4) Epone bo ani ipedoria oni aikunyakin neejai Yawe naedoikiniata oni atiokisio?

Ailip. Kipukok oni Yawe ewokotau kere, ijaikini ngesi oni ainapakin keda agogong tetere oni ititingikinit.​—Pil 4:6, 7; 1Ses 5:17.

Airiamununeta. Adepar lem sek, ipuda oni inyamat lukomoyo ka eidicane loijaikinit Yawe oni loka iinacan kotoma airiamununeta. (Bur 10:24, 25) Naitemonokinia, naijaununor, ido naijaanakinia oni abongonokinetawok toma airiamununeta, imedauni oni kotoma emoyo loka Yawe.​—Apu 2:29.

Alimonokin. Epatanikini oni apodokinit iboro luedukete arai kiswama oni nuipedori kere kanu asalakin ikokokakinit alimonokin. Bobo da, itogogongi oni eidicanewok keda eswamak nepepe kaoni aimoriarit Yawe.​—1Kor 3:5-10.

KOSESENATA EBIDIO ISUKUNYUNI YAWE IJO KOSODETE ABONGONOKIN AINGISETA NUTA:

• Inyo bo abu ingarak Malu ainyikokinit aikunyakin neejai Yawe karaida ejaasi atiokisio?

  Your answer

• Kwape ka Malu, epone bo ani epedoriata akiro nuejaasi toma Isabulin 34:18 aitalakaar oni kotoma atiokisiowok?

  Your answer

• Epone bo ani itodunitotor akiro nuikamunitos Malu ebe einakini Yawe oni “aidiles naka apedor” arai edoikisi oni atiokisio?​—2Kor 4:7

  Your answer