Edukone loekeriana loka Ikristayon, einakinit Yawe aibuses ido eyauni aiyalama neejai ekiliokit keda aberu. (Mk 10:9) Kanu ajaut kedukone loegogong, lokaiyalama, ibusakinit Ikristayon ainyikokinit aitoswam aicoreta nuka Ebaibuli naeseuniata kesi itunganan yenedukokinotor.

Kogeu eisupane akaulo naetuboror “apak naka atumun,” nges apak naerokor eipudikon loka ayelo egogong noi ido itukurorite ijo aitolomun aseuneta nuejok. (1Kor 7:36, NWT) Kitoswam jokan ikarukon luirokor irai obonipe kanu aitogogong eidicanekon ka Edeke keda aipepeun iponesio luka Ekristayone. Nges konyet ipedoria ijo ayaun akerianut odukone.

Eroko ijo ecamanara adukokin keda itunganan, kitoswam apak naedolit kanu ajenun “etunganane loibwaa lokotau.” (1Pet 3:4) Arai ibuonokin ijo idisibore, kinerakinos nuikamunitos ngun keda ngin yenisupatar ijo. Kwape ka eidicane edio kere, erai edukone loipuda ijo aisingarenit aswam nuingarakinete mere bon nuikoto jo adumun kotomake. (Pil 2:3, 4) Arai ibwaik ijo aicoreta nuka Ebaibuli toma aswamisioit eroko jo edukokina, idukuni do jo apetetait naejok naka ekale loiyalama.

KOSESENATA EBIDIO AITEMONOKIN KANUKA EDUKONE​—ATUTUBET NA 3: ‘IMAR ETIAI,’ KOSODETE ABONGONOKIN AINGISETA NUTA:

• Epone bo ani abu eidicaneke iinac keda Shane kojaunor?

• Inyo bo abu ngesi kowany naenyikokinata kesi ajenun jokan?

• Epone bo ani apotu auriak luka iinac ingarakinata nges, ido ani bo aseunet naka acoa naabu ngesi kitolom?