Aijar kapakio kanu nukawasia ipu atiokisio. Naiyapikina oni osange loka akwapin kanu, epote atiokisio aiyalakin noi. Acepakio epedorete iboro luigangitos aijar amamikin oni. (Kbk 3:16-18) Inyo bo epedori aingarakin oni atitingikin ibakor keda amunokina? Ibusakinit oni ainyikokin amunokina Edeke Yawe. Isumunit ngesi aidar ejaanakinakake ido einakini ngesi oni luipuda kojautene edio kere.​—Sab 37:18, 19; Bur 13:5, 6.

Anyoika bo nuipedori ijo aswam:

• Kilip aingarenikinio, acoa, keda aingarakinio kaneejai Yawe.​—Sab 62:8

• Kocam aswam naaticepak mam lem ijo iswamator.​—g-E 1/10 8-9, asaduku

• Kinyikok nuiswamaenenei ijo sek kanuka aima Edeke kwape nat asiomenen akirotoke nginipaaran, ajaunun airiamununeta, keda alimonokin

KOSESENATA EBIDIO KODUK ETOGO LOMAM IBIROR​—‘KODAUNITOS LUIJAATAR,’ KOSODETE ABONGONOKIN AINGISETA NUTA:

• Anyoika bo atiokisio nuatereikinos icekalia?

• Inyo bo ibore yenepol noi kotoma aijar?

• Epone bo ani ipedoria oni aingarakin ngul luedoikinitos ibakor?