Ijaikinit oni Akirot Naka Edeke iboro kere luipuda oni kanu atitingikin atiokisio kapakio kanu luetioko. (2Tim 3:1, 16, 17) Eebo, aticepak ipudakin oni aingarakinio kanu adumun aicoreta nuka Ebaibuli nuibecokina nuingarakinete kojautene edio kere. Kwape aanyunet, irai kereka jo aurian yenimoot aicoreta nuingarakinete kotoma aitopoloun idwe? Irai ijo atumunan yenitereikina keda ainingosia kotoma aiyuun? Irai kereka ijo apuserut arai bo epuserut loikudiani yenikowaikon yenatwana? Idumakini ijo akiro toma jw.org nuingarakinete ijo amoun aicoreta nuka Ebaibuli nuibecokina kanuka ejautene kangon ka ace da nuiyatakina.​—Awa 2:3-6.

Kotoma ageunet naka apapula nasodit kolago jw, kicikak atutubet naebala ebe, BIBLE TEACHINGS. (Koany aput na 1.) Koseu nuikoto ijo kotoma akiro nuicikuni jo kokwap. Arai bo koseu LIBRARY > ARTICLE SERIES kosodi alosit atutubet naka akiro nuikoto jo. (Koany aput na 2.) Idumakini ijo akiro ngupengun toma JW Library^®. * Aticepak ipedori ijo alelakin airerionor acekiro katutubena kanu. Ipedori bobo ijo aitoswam atutubet naemoere ko jw.org amounia akiro nuikoto ijo.

Kiwadikak toma asaduku naemoere adis kotoma akiro kanu, kosodi aseun aisisiaeta nuikoto ijo aisiom.

• Raising children

• Teenage depression

• Death of a mate