AJOKIS: Enyaraunitos iinacan luinyonyoikinitai keda amerekekin ace da itunga kere komatata “atai akipi nuka aijar.” (Apu 22:17) Ebwoikinitos akipi nu nuitosomatai kwape anyunet ainapeta kere nuka Yawe nuka alakun kotoma atwanare ka aronis itunga kere luerimaritos ngesi. Kanu aingarakin itunga luka atekerin ka idiinin luegelegela, ekoto oni alimonokin “akiro nukajokak nuka ikar kere” kopone loisipedoori nginitunganan aijaun akiro nuilimonokini oni kes.​—Apu 14:6.

EPONE LOISWAMAET:

• Koseu akiro nuka Ebaibuli nuingarakinete itunga luejasi aibosit nailimonokinia jo. Ipedori jo aseun aitosom nuipedori ijo alimun arai bo nat ace akiro nuitosomator jo sek jokan. Ani bo akiro ka ikokoron luka Ebaibuli lueminakinitos itunga katutubet nailimonokinia jo? Inyo bo iyemuto luepodokinitos itunga luetakanunitos katutubet nailimonokinia jo? Anyoika bo akiro nueminakinitos ikiliok arai angor katutubet nailimonokinia jo?

• Iner ido iyoga kopone loibusakinitor katutubet nailimonokinia jo.​—2Kor 6:3, 4

• Kisisiau ejok iitabon keda ibidion luko Oborowok Luka Aisisianakin tetere ipedori aimor keda itunganan yenekot aisisiaun nuipu

• Ikopu akiro kolagowok kotoma angajepisinei nuetapit itunga einer atutubet nailimonokinia jo

• Itacaik ikapupokokon ajokis naka akiro nuinera jo. (1Kor 9:19-23) Kwape aanyunet, anyoika bo ipedori jo alimun akaulo naisisiaun ebe abu itunganan kotwana pac kokale loilimonokinia jo?

KOSESENATA EBIDIO KOSODETE ABONGONOKIN AINGISETA NU:

• Ani bo akiro nuabu onac komorata keda esisian?

• Anyoika bo nuatakanikitos esisian ngol?

• Kapak kangin, ani bo ikokoron luka Ebaibuli luebusakinit aimor keda esisian ngol, ido kanukinyo?

• Epone bo ani ipedoria jo aijulakin ekoniner kotoma alimonokin kanu aingarakin ngul luimonokini jo?