ЧАРО ИН МУҲИМ АСТ: Агар «андешаи дили одам обҳои чуқур» бошад, пас саволҳо ба сатиле монанданд аст, ки онҳоро кашида мебарорад (Мс 20:5). Саволҳо барои ҷалб кардани одамон ёрдам мекунанд. Одатан ба воситаи саволҳои хубинтихобшуда мо ҷавобҳоеро мегирем, ки маълумоти даркориро ба мо медиҳад. Исо саволҳоро моҳирона истифода мебурд. Чӣ тавр мо ба ӯ пайравӣ карда метавонем?

ИНРО ЧӢ ТАВР БОЯД КАРД:

• Саволҳои нуқтаи назарро ошкоркунанда. Исо барои фаҳмидани нуқтаи назари шогирдонаш якчанд саволҳо дод (Мт 16:13–16; be-U саҳ. 238, сарх. 3–5). Барои фаҳмидани нуқтаи назари шахс, шумо кадом саволҳоро медодед?

• Саволҳои ёридиҳанда. Барои ислоҳ кардани фикри Петрус Исо ба ӯ саволҳо дод ва якчанд вариантҳои ҷавобро пешниҳод кард, то Петрус ба хулосаи дуруст биёяд (Мт 17:24–26). Барои он ки шахс ба хулосаи дуруст ояд, чӣ гуна саволҳоро додан мумкин аст?

• Ҳамсӯҳбататонро таъриф кунед. Баъд аз «ҷавоби бохирадонаи» шариатдон Исо ӯро таъриф кард (Мқ 12:34). Чӣ тавр шумо шахсеро, ки ба саволатон ҷавоб дод, таъриф карда метавонед?

ҚИСМИ ЯКУМИ ВИДЕОНАВОРИ «КОРЕРО КУНЕД, КИ ИСО КАРДА БУД. ТАЪЛИМДИҲӢ»-РО ТАМОШО КУНЕД ВА БАЪД БА САВОЛҲОИ ЗЕРИН ҶАВОБ ДИҲЕД:

• Чаро ин тарзи таълимдиҳӣ, ҳарчанд маълумоти дуруст истифода бурда шавад ҳам, нодуруст аст?

• Чаро мо бояд фақат худамон гап назанем?

ҚИСМИ ДУЮМИ ВИДЕОНАВОРИ «КОРЕРО КУНЕД, КИ ИСО КАРДА БУД. ТАЪЛИМДИҲӢ»-РО ТАМОШО КУНЕД ВА БАЪД БА САВОЛҲОИ ЗЕРИН ҶАВОБ ДИҲЕД:

• Чӣ тавр бародар саволҳоро моҳирона истифода бурд?

• Мо боз кадом ҷиҳатҳои таълимдиҳии ӯро ёд гирифта метавонем?