Забур 148:1-14
148 Ёҳро* ситоиш кунед!
Яҳуваро аз осмон ситоиш намоед,+Ӯро дар афроз ситоиш кунед.
2 Ӯро ситоиш кунед, эй ҳама фариштагони ӯ,+Ӯро ситоиш кунед, эй тамоми лашкари ӯ.+
3 Ӯро ситоиш кунед, эй офтобу моҳтоб.
Ӯро ситоиш кунед, эй ситорагони дурахшон.+
4 Ӯро ситоиш кунед, эй авҷи фалакВа эй обҳои болои осмон.
5 Бигзор онҳо номи Яҳуваро ситоиш кунанд,Зеро ӯ фармуду онҳо офарида шуданд.+
6 Ӯ онҳоро ҳамеша ва то абад устувор нигаҳ медорад.+
Амре, ки ӯ муқаррар намудааст, ҳаргиз бекор намешавад.+
7 Яҳуваро дар замин ситоиш кунед,Эй ҷонварони бузурги баҳрӣ, ва эй обҳои бетаг.
8 Эй барқу жола, барфу абри ғализ,Эй тундбод, ки суханашро ба ҷо меорӣ,+
9 Эй кӯҳҳо ва ҳама пуштаҳо,+Эй дарахтони мевадор ва эй дарахтони сидра,+
10 Эй ҷонварони ваҳшӣ+ ва ҳама ҷонварони хонагӣ,Эй хазандагон ва парандагони болдор,
11 Эй подшоҳони замин ва ҳама миллатҳо,Эй мирон ва ҳама доварони замин,+
12 Эй ҷавонписарон ва ҷавондухтарон,Пирону ҷавонон, Худоро ситоиш кунед!
13 Бигзор онҳо номи Яҳуваро ситоиш кунанд,Зеро танҳо номи ӯ баланду дастнорас аст.+
Бузургии ӯ аз замину осмон болотар аст.+
14 Ӯ қуввати халқи худро афзун хоҳад кард,Баҳри ситоиши ҳама бандагони бовафояш —Фарзандони Исроил, халқи наздики ӯ.
Ёҳро* ситоиш кунед!
