Забур 37:1-40
Таронаи Довуд.
א [Алиф]
37 Ба сабаби бадкирдор ғамгин машавВа ба гунаҳкорон ҳасад набар.+
2 Онҳо мисли алаф дар як дам хушк мешаванд+Ва мисли сабзаи тар пажмурда мегарданд.
ב [Бет]
3 Ба Яҳува таваккал намо ва некӣ бикун.+
Дар замин умр ба сар бурда, аз рӯйи инсоф амал кун.+
4 Лаззати зиндагониро дар Яҳува пайдо кунВа ӯ армони дилатро ба ту ато мекунад.
ג [Гимел]
5 Худро* дар ихтиёри Яҳува супор,+Ба ӯ такя кун ва ӯ амал хоҳад кард.+
6 Ӯ росткориятро мисли бомдодон дурахшонВа адолататро мисли офтоби пешин фурӯзон хоҳад намуд.
ד [Далет]
7 Пеши Яҳува хомӯш бош,+Ва ӯро пурсаброна интизор шав.
Аз барор ёфтани корҳои ҳилагарон ғамгин машав.+
ה [Ҳе]
8 Аз хашм даст бикаш ва ғазабро тарк намо.+
Асабонӣ нашаву ба бадӣ рӯ наовар*,
9 Зеро бадкорон нест карда мешаванд,+Вале умедворони Яҳува соҳиби замин мегарданд.+
ו [Вов]
10 Боз андак сабр кун ва бадкор боқӣ намемонад,+Ба маконаш назар хоҳӣ кард,Вале ӯро нахоҳӣ дид.+
11 Аммо нармдилон* соҳиби замин мешаванд+Ва аз осудагии бисёр лаззат мебаранд.+
ז [Зайин]
12 Бадкор ба росткор қасди бад мекунад,+Аз ғазаб дандон мехояд.
13 Аммо Яҳува ба ҳоли вай механдад,Зеро медонад, ки рӯзи бадкор меояд.+
ח [Хет]
14 Бадкорон шамшеру камон мекашанд,То бечораву камбағалро афтонандВа ростравонро бикушанд.
15 Аммо шамшерашон ба дили худашон мехалад+Ва камонҳояшон шикаста мешавад.
ט [Тет]
16 Ками росткорБеҳ аз фаровонии бадкорони зиёд,+
17 Зеро дастони бадкорон шикаста хоҳад шуд,Вале росткоронро Яҳува дастгирӣ хоҳад намуд.
י [Йод]
18 Яҳува аз душвориҳои беайбон бохабар астВа мероси онҳо то абад пойдор мемонад.+
19 Онҳо дар рӯзи мусибат шарманда нахоҳанд шудВа дар вақти гушнагӣ сер хоҳанд буд.
כ [Каф]
20 Аммо бадкорон нест хоҳанд шуд.+
Душманони Яҳува мисли чарогоҳҳои зебоманзар нобуд хоҳанд шуд,Онҳо мисли дуд нопадид хоҳанд гашт.
ל [Ламед]
21 Бадкор қарз мегираду барнамегардонад,Аммо росткор саховатманду дасткушод аст.+
22 Касоне, ки аз Худо баракат ёфтаанд, заминро соҳиб мегарданд,Вале онҳое, ки гирифтори лаънаташ гардидаанд, нобуд мешаванд.+
מ [Мим]
23 Вақте роҳи шахс ба Яҳува маъқул аст,+Ӯ қадамҳои чунин касро ҳидоят мекунад*.+
24 Агарчи ӯ биафтад, афканда намешавад,+Зеро Яҳува дастгири ӯст.+
נ [Нун]
25 Ҷавон будаму ҳоло пир шудам,Вале росткореро надидам, ки партофта шуда бошад+Ва ё фарзандонаш нон металбида бошанд.+
26 Дасташ барои қарз додан ҳамеша кушода аст+Ва фарзандонашро баракатҳо интизор аст.
ס [Самех]
27 Аз бадӣ дур шаву некӣ бикун+Ва ту то абад пойдор мемонӣ,
28 Зеро Яҳува инсофро дӯст медорад,Ӯ ҳаргиз бандагони бовафояшро намепартояд.+
ע [Айин]
Онҳо то абад дар паноҳаш хоҳанд буд,+Аммо насли бадкорон решакан мегардад.+
29 Росткорон соҳиби замин мешаванд+Ва дар он то абад зиндагӣ мекунанд.+
פ [Пе]
30 Даҳони росткор хирадро баён мекунадВа забонаш аз инсоф сухан мегӯяд.+
31 Шариати Худояш дар дилаш аст,+Пояш намелағжад.+
צ [Тсаде]
32 Бадкор росткорро мепоядВа дар пайи куштани ӯст.
33 Лекин Яҳува ӯро ба дасти бадкор намесупорад+Ва дар доварӣ ӯро гунаҳкор намебарорад.+
ק [Коф]
34 Ба Яҳува умед банд ва бо роҳе, ки мегӯяд, равона шавВа ӯ туро сарбаланд хоҳад кард — ту заминро мерос хоҳӣ гирифт.
Вақте бадкорон решакан шаванд,+ инро хоҳӣ дид.+
ר [Реш]
35 Ситамгари бадкорро дидам,Ки мисли дарахти сершох ва сабзу хуррам дар ҷойи худ реша давонда буд.+
36 Лекин ӯ ногаҳон нест ва нопадид гашт.+
Ӯро мекофтам, лекин нишонашро наёфтам.+
ש [Син]
37 Ба беайб диққат деҳВа ба шахси боинсоф+ назар дӯз,Зеро ояндаи ӯ осоишта хоҳад буд.+
38 Аммо ҳамаи ҷинояткорон нест карда мешавандВа бадкорон оянда нахоҳанд дошт.+
ת [Тав]
39 Наҷоти росткорон аз Яҳува аст,+Ӯ дар сахтиҳо қалъаи онҳост.+
40 Яҳува ба онҳо мадад карда, наҷоташон медиҳад,+Ӯ онҳоро аз дасти бадкорон раҳо карда, халосӣ мебахшад,Зеро онҳо ба ӯ паноҳ мебаранд.+
Поварақҳо
^ Ё «Роҳи ҳаётатро».
^ Ё, эҳтимол, «Асабонӣ нашав, ки он фақат зиён меорад».
^ Ё «мулоимтабиатон».
^ Ё «устувор мегардонад».
