Закарё 12:1-14
12 Паём:
«Ин аст паёми Яҳува дар бораи Исроил,— мегӯяд Яҳува,Худое, ки осмонро паҳн кардааст,+Бунёди заминро гузоштааст+Ва рӯҳи* одамро дар дарунаш ба вуҷуд овардааст.—
2 Ман Ерусалимро ҷоме мекунам, ки ҳамаи халқҳои ҳамсояро маст мекунад, ва душман Яҳудову Ерусалимро муҳосира менамояд.+
3 Дар он рӯз ман Ерусалимро барои ҳамаи одамон санги вазнине мекунам. Ҳамаи онҳое, ки вайро мебардоранд, сахт захмдор мешаванд+ ва ҳамаи халқҳои рӯйи замин бар зидди вай ҷамъ меоянд.+
4 Дар он рӯз,— мегӯяд Яҳува,— ҳар аспро ба воҳима ва саворашро ба девонагӣ гирифтор мекунам. Ман аз хонадони Яҳудо чашм намеканам, аспҳои халқҳоро бошад, кӯр месозам.
5 Мирони Яҳудо дар дил хоҳанд гуфт: “Мардуми Ерусалим қуввати мост, чунки Яҳува, Худои лашкарҳо, Худои онҳост”.+
6 Дар он рӯз ман мирони Яҳудоро мисли оташдони лахчадоре дар миёни ҳезум ва мисли машъали фурӯзоне дар миёни дарзаҳои ғалла месозам+ ва онҳо ҳамаи халқҳои ҳамсояашонро аз чапу рост нест мекунанд.+ Мардуми Ерусалим боз дар макони худ, дар Ерусалим, сокин мешавад.+
7 Яҳува аввал хаймаҳои Яҳудоро наҷот медиҳад, то шукӯҳи хонадони Довуду мардуми Ерусалим аз шукӯҳи Яҳудо аз ҳад бузург нашавад.
8 Дар он рӯз Яҳува гирдогирди мардуми Ерусалим ҳисор мешавад.+ Дар он рӯз беқувваттарини онҳо мисли Довуд мегардаду хонадони Довуд мисли Худо, мисли фариштаи Яҳува, ки пешопешашон меравад.+
9 Дар он рӯз ман ҳамаи халқҳоеро, ки бар зидди Ерусалим меоянд, ҳатман нест мекунам.+
10 Ман рӯҳи худро бар хонадони Довуду мардуми Ерусалим рехта, ба онҳо лутфу марҳамат мекунам ва онҳо маро зориву илтиҷо менамоянд. Онҳо ба оне, ки баданашро шикоф карданд, менигаранд+ ва барояш чун барои писари ягона меноланд, барояш чун барои писари калонӣ зор-зор мегирянд.
11 Он рӯз дар Ерусалим гиряву нолаи бисёре мекунанд, ҳамон тавре ки дар Ҳададримӯни водии Маҷиддӯ+ карда буданд.
12 Ин замин гиря хоҳад кард, ҳар оила ҷудо-ҷудо гиря хоҳад кард. Оилаҳои хонадони Довуд алоҳидаву занонашон алоҳида, оилаҳои хонадони Нотон+ алоҳидаву занонашон алоҳида,
13 оилаҳои хонадони Левӣ+ алоҳидаву занонашон алоҳида, оилаҳои хонадони Шимъӣ+ алоҳидаву занонашон алоҳида,
14 ҳамаи оилаҳои дигар низ, ҳар оила алоҳидаву занонашон алоҳида, хоҳанд гирист.
Поварақҳо
^ Ё «нафаси».
