Юшаъ 20:1-9
-
Шаҳрҳои гурезгоҳ (1–9)
20 Сипас Яҳува ба Юшаъ гуфт:
2 «Ба писарони Исроил бигӯ: “Барои худ шаҳрҳои гурезгоҳро,+ ки ба воситаи Мӯсо ба шумо гуфта будам, интихоб кунед,
3 то ҳар кӣ нохост ва надониста одам куштааст, ба он ҷо гурезад ва дар ин шаҳрҳо аз дасти хунхоҳ+ паноҳ ёбад.
4 Ӯ бояд ба яке аз ин шаҳрҳо гурезад+ ва дар пеши дарвозаи шаҳр истода,+ воқеаро ба пирони шаҳр нақл кунад. Баъд пирон бояд ӯро ба шаҳр қабул кунанд ва ба ӯ ҷойи зист диҳанд.
5 Агар хунхоҳ аз паси вай ояд, онҳо набояд одамкушро ба дасти ӯ супоранд, зеро вай ёрашро нохост куштааст ва аз ӯ нафрат надоштааст.+
6 Ӯ бояд то назди ҷамоат дар мурофиа ҳозир шуданаш+ ва то марги саркоҳине,+ ки дар он рӯзҳо хизмат мекунад, дар он шаҳр бимонад. Баъд аз ин одамкуш метавонад ба шаҳр ва хонаи худ, ки аз он ҷо гурехта буд, баргардад”».+
7 Онҳо дар Ҷалил, дар кӯҳистони Нафтолӣ, Қедешро,+ дар кӯҳистони Эфроим Шакемро+ ва дар кӯҳистони Яҳудо Қирят-Арбаъ,+ яъне Ҳебрӯнро, ҷудо карданд.
8 Онҳо дар минтақаи Урдун, дар шарқи Ериҳӯ, аз замини қабилаи Реубен Босарро,+ ки дар биёбони паҳнкӯҳ ҷойгир аст, аз замини қабилаи Ҷод Ромӯтро,+ ки дар Ҷилъод аст, ва аз замини қабилаи Менашше+ Ҷӯлонро,+ ки дар Бошон аст, интихоб карданд.
9 Ин шаҳрҳо барои тамоми исроилиён ва ғарибоне, ки дар миёни онҳо зиндагӣ мекарданд, ҷудо карда шуданд, то касе, ки нохост одам куштааст, ба он ҷо гурехта тавонад+ ва, пеш аз он ки ҷамоат ӯро мурофиа кунад, аз дасти хунхоҳ кушта нашавад.+
