2 Мӯсо 40:1-38
40 Сипас Яҳува ба Мӯсо гуфт:
2 «Дар рӯзи якуми моҳи якум хаймаи муқаддас, яъне хаймаи ҷомеъро, барпо кун.+
3 Дар даруни он сандуқи шаҳодатро бимон+ ва роҳ ба сандуқро бо парда бипӯшон.+
4 Мизро+ оварда, ашёашро бар он гузор ва чароғпояро+ дароварда, чароғҳояшро даргирон.+
5 Қурбонгоҳи тиллоӣ, яъне қурбонгоҳи бухурсӯзиро,+ пеши сандуқи шаҳодат бигузор ва пардаи даромадгоҳи хаймаи муқаддасро дар ҷояш биовез.+
6 Назди даромадгоҳи хаймаи муқаддас, ё худ хаймаи ҷомеъ, қурбонгоҳи қурбонии сӯхтаниро бимон.+
7 Дар байни хаймаи ҷомеъ ва қурбонгоҳ тоси шустушӯйро бимон ва ба он об рез.+
8 Гирдогирди хайма саҳнро бисоз+ ва пардаи даромадгоҳи саҳнро+ дар ҷояш биовез.
9 Сипас равғани тадҳинро*+ бигир ва ба хайма ва ҳар он чизе, ки дар он аст, бимол;+ хайма ва тамоми ашёи онро барои хизмати ман ҷудо кун* ва он муқаддас мегардад.
10 Ба қурбонгоҳи қурбонии сӯхтанӣ ва тамоми ашёаш равғани тадҳин бимол ва қурбонгоҳро барои хизмати ман ҷудо кун* ва он поктарин қурбонгоҳ мешавад.+
11 Ба тоси шустушӯй ва пояаш равған бимол ва онро барои хизмати ман ҷудо кун.
12 Сипас Ҳорун ва писаронашро назди даромадгоҳи хаймаи ҷомеъ биёр ва онҳоро дар об бишӯй.+
13 Бар тани Ҳорун либоси муқаддасро бипӯшон+ ва ӯро тадҳин намуда,+ барои хизмати ман ҷудо кун, то бароям коҳин бошад.
14 Пас аз ин писаронашро наздик биёр ва ба онҳо курта бипӯшон.+
15 Онҳоро низ мисли падарашон тадҳин кун,+ то бароям коҳин хизмат кунанд, ва тадҳин шудани онҳо нишон хоҳад дод, ки онҳо аз насл ба насл коҳинони ман хоҳанд буд».+
16 Мӯсо ҳар он чиро, ки Яҳува фармуда буд, ба ҷо овард. Ӯ айнан ҳамон тавре кард, ки Худо фармуда буд.+
17 Дар моҳи якуми соли дуюм, дар рӯзи якуми моҳ, хайма гузошта шуд.+
18 Вақте Мӯсо хаймаро гузошт, ӯ пояҳои сӯрохдорашро+ монд, тахтаҳоро+ рост кард, ғалақаҳояшро+ гузаронд ва сутунҳои онро дар ҷояшон гузошт.
19 Ӯ бар хайма чодарро+ паҳн кард ва бар чодар рӯпӯшро+ гузошт, ҳамон тавре ки Яҳува ба Мӯсо фармуда буд.
20 Баъди ин ӯ лавҳаҳои шаҳодатро+ ба даруни сандуқ+ гузошт ва ходаҳоро+ ба ҳалқаҳои сандуқ даровард ва онро бо сарпӯшаш+ пӯшонд.+
21 Ӯ сандуқро ба хайма даровард ва бо пардаи ҷудокунанда+ роҳ ба сандуқи шаҳодатро пӯшонд,+ ҳамон тавре ки Яҳува ба Мӯсо фармуда буд.
22 Баъд мизро+ дар даруни хаймаи ҷомеъ, аз тарафи шимолии он, берун аз парда, гузошт
23 ва бар он ба ҳузури Яҳува як даста нонро+ гузошт, ҳамон тавре ки Яҳува ба Мӯсо фармуда буд.
24 Ӯ дар даруни хаймаи ҷомеъ, дар тарафи ҷанубии хаймаи муқаддас, дар рӯ ба рӯйи миз, чароғпояро+ гузошт.
25 Ӯ чароғҳоро+ дар ҳузури Яҳува даргиронд, ҳамон тавре ки Яҳува ба Мӯсо фармуда буд.
26 Сипас дар хаймаи ҷомеъ, пеш аз парда, қурбонгоҳи тиллоиро+ гузошт,
27 то бар он бухури хушбӯй+ сӯзонда дуд кунад,+ ҳамон тавре ки Яҳува ба Мӯсо фармуда буд.
28 Баъд ӯ пардаи даромадгоҳи хаймаро+ дар ҷояш овехт.
29 Ӯ назди даромадгоҳи хаймаи муқаддас ё худ хаймаи ҷомеъ қурбонгоҳи қурбонии сӯхтаниро+ гузошт, то бар он қурбонии сӯхтанӣ+ ва ҳадияи ғалларо биёрад, ҳамон тавре ки Яҳува ба Мӯсо фармуда буд.
30 Сипас ӯ тоси шустушӯйро байни хаймаи ҷомеъ ва қурбонгоҳ гузошт ва барои шустушӯй дар он об рехт.+
31 Мӯсо ва Ҳоруну писаронаш дар он дасту пойҳои худро шустанд.
32 Онҳо доимо, пеш аз он ки ба хаймаи ҷомеъ дароянд ё ба қурбонгоҳ наздик шаванд, шустушӯй мекарданд,+ ҳамон тавре ки Яҳува ба Мӯсо фармуда буд.
33 Ниҳоят ӯ гирдогирди хайма ва қурбонгоҳ саҳнро+ сохт ва пардаи даромадгоҳи саҳнро дар ҷояш овехт.+
Мӯсо корро тамом кард
34 ва абр хаймаи ҷомеъро пӯшонду ҷалоли Яҳува хаймаи муқаддасро пур кард.+
35 Мӯсо наметавонист ба даруни хаймаи ҷомеъ дарояд, зеро абр дар болои он истода буд ва ҷалоли Яҳува хаймаро пур карда буд.+
36 Вақте абр аз хаймаи муқаддас дур шуда боло мерафт, исроилиён ба сафар мебаромаданд.+
37 Аммо, агар абр аз хаймаи муқаддас дур шуда боло намерафт, онҳо то вақти боло баромадани он дар ҳамон ҷо мемонданд.+
38 Дар муддати тамоми сафарашон тамоми хонадони Исроил медид, ки рӯзона дар болои хаймаи муқаддас абри Яҳува буд, шабона бошад, оташ.+
