4 Мӯсо 2:1-34
-
Хаймагоҳ ба дастаҳои сеқабилагӣ тақсим мешавад (1–34)
2 Яҳува бо Мӯсо ва Ҳорун сухан ронда гуфт:
2 «Бигзор ҳар як исроилӣ назди ҷое ки барои дастаи сеқабилагияш+ муқаррар гардидааст, назди нишони хонадонаш, хайма занад. Онҳо бояд гирдогирди хаймаи ҷомеъ тавре хайма зананд, ки рӯйи хаймаҳояшон ба хаймаи ҷомеъ равона бошад.
3 Аз тарафи шарқӣ, аз тарафи офтоббаро, се қабила дар ҷое ки барои дастаашон муқаррар шудааст, бо сардории қабилаи Яҳудо хайма мезанад. Сардори қабилаи Яҳудо Наҳшӯни+ писари Аминодоб аст.
4 Шумораи лашкари ӯ 74 600 нафар аст.+
5 Аз як тарафи ӯ бояд қабилаи Иссокор хайма занад. Сардори қабилаи Иссокор Натанъили+ писари Суор аст.
6 Шумораи лашкари ӯ 54 400 нафар аст.+
7 Аз тарафи дигари қабилаи Яҳудо бошад, қабилаи Забулун бояд хайма занад. Сардори қабилаи Забулун Элиоби+ писари Ҳилӯн аст.
8 Шумораи лашкараш 57 400 нафар аст.+
9 Шумораи лашкаре, ки дар хаймагоҳи Яҳудо саршуморӣ гардид, 186 400 нафар аст. Онҳо бояд якум шуда кӯч кунанд.+
10 Се қабилаи дигар бо сардории қабилаи Реубен,+ дар ҷое ки барои дастаашон муқаррар шудааст, аз тарафи ҷануб хайма мезанад. Сардори қабилаи Реубен Элисури+ писари Шадиур аст.
11 Шумораи лашкари ӯ 46 500 нафар аст.+
12 Аз як тарафи ӯ бояд қабилаи Шимъӯн хайма занад. Сардори қабилаи Шимъӯн Шалумиили+ писари Суришаддой аст.
13 Шумораи лашкари ӯ 59 300 нафар аст.+
14 Аз тарафи дигари қабилаи Реубен бошад, қабилаи Ҷод бояд хайма занад. Сардори қабилаи Ҷод Элёсофи+ писари Реуил аст.
15 Шумораи лашкари ӯ 45 650 нафар аст.+
16 Шумораи лашкаре, ки дар хаймагоҳи Реубен саршуморӣ гардид, 151 450 нафар аст. Онҳо бояд дуюм шуда кӯч кунанд.+
17 Вақте хаймаи ҷомеъро мекӯчонанд,+ хаймагоҳи левизодагон бояд дар миёни хаймагоҳҳои дигар қабилаҳо бошад.
Исроилиён бояд сеқабилагӣ даста-даста шуда, ҳар яке дар ҷойи худ бо ҳамон тартибе,+ ки хайма мезананд, кӯч банданд.
18 Се қабилаи дигар бо сардории қабилаи Эфроим, дар ҷое ки барои дастаашон муқаррар шудааст, аз тарафи ғарб хайма мезанад. Сардори қабилаи Эфроим Элишомаи+ писари Аммиҳуд аст.
19 Шумораи лашкари ӯ 40 500 нафар аст.+
20 Аз як тарафи ӯ қабилаи Менашше+ хайма мезанад. Сардори қабилаи Менашше Ҷамлиили+ писари Фадоҳсур аст.
21 Шумораи лашкари ӯ 32 200 нафар аст.+
22 Аз тарафи дигари қабилаи Эфроим қабилаи Бинёмин хайма мезанад. Сардори қабилаи Бинёмин Абидони+ писари Ҷидъӯнӣ аст.
23 Шумораи лашкари ӯ 35 400 нафар аст.+
24 Шумораи лашкаре, ки дар хаймагоҳи Эфроим саршуморӣ гардид, 108 100 нафар аст. Онҳо бояд сеюм шуда кӯч кунанд.+
25 Се қабилаи дигар бо сардории қабилаи Дон, дар ҷое ки барои дастаашон муқаррар шудааст, аз тарафи шимол хайма мезанад. Сардори қабилаи Дон Аҳиозари+ писари Аммишаддой аст.
26 Шумораи лашкари ӯ 62 700 нафар аст.+
27 Аз як тарафи ӯ қабилаи Ошер хайма мезанад. Сардори қабилаи Ошер Фаҷъиили+ писари Окрон аст.
28 Шумораи лашкари ӯ 41 500 нафар аст.+
29 Аз тарафи дигари қабилаи Дон қабилаи Нафтолӣ хайма мезанад. Сардори қабилаи Нафтолӣ Аҳираъи+ писари Энон аст.
30 Шумораи лашкари ӯ 53 400 нафар аст.+
31 Шумораи лашкаре, ки дар хаймагоҳи Дон саршуморӣ гардид, 157 600 нафар аст. Аз миёни хаймагоҳҳои Исроил, ки сеқабилагӣ тақсим шудаанд, онҳо бояд охирон кӯч кунанд».+
32 Инҳоянд исроилиёне, ки мувофиқи авлодҳояшон саршуморӣ шуданд. Шумораи пурраи лашкари Исроил, ки дар хаймагоҳҳо саршуморӣ гардид, 603 550 нафар буд.+
33 Аммо левизодагон, ҳамон тавре ки Яҳува ба Мӯсо фармуда буд, дар қатори дигар исроилиён+ саршуморӣ нашуданд.+
34 Исроилиён ҳар он чиро, ки Яҳува ба Мӯсо фармуда буд, ба ҷо оварданд. Онҳо ба дастаҳои сеқабилагӣ ҷудо шуданд+ ва, ҳамон тавре ки Худо фармуда буд, кӯч мебастанд,+ ҳар яке мувофиқи хонавода ва авлоди худ.
